皇后餃子

Open Now

Now Closed

個仔係附近學嘢，耐唔耐都會去食嘢。食物質素係可接受，但一路以嚟樓面啲阿姐態度都已經係麻麻。噚日星期六大約12:55分入去，入面唔係枱多，十張左右，坐滿8成左右，門口三四個人等緊外賣。但中午繁忙時間，樓面竟然可以只係得一個阿姐係度，落單、上菜、執枱、埋單、執外賣，全部都係一個做哂。當時叫阿姐落單差唔多十分鐘，都唔肯埋嚟落，凈係處理啲外賣單，樓面啲嘢幾乎唔理，而且係全程極度黑面。眼見等咗咁耐都仲未有人嚟落單，其他枱啲食物煮好擺哂係度冇人拎俾啲客，阿姐凈係識鬧㕑房啲人攪錯嘢，又見其他有一兩張枱啲人都等落單等得唔耐煩走人，心諗就算落到單都唔知又要等幾耐先有嘢食，加上見阿姐超級面黑，於是做咗人生第一次嘢都未食，就決定斬欖即走，並且black list埋佢，應該都唔會有再幫襯佢嘅機會。