Balalaika (Closed)

又係試網上推介餐廳的時間， 這次地點是-尖沙咀諾士佛臺Balalaika俄國餐廳。今次係第一次試俄國餐廳我們訂了window side位子,木製的長檯長凳。有俄羅斯樂隊的現場演奏，氣氛好好。waitress拎住一個"廚師推介"的板在hard sell! BBQ 三百幾，牛排四百八十...唔跟餐。 我們都是選擇看餐牌。先order了古法醃喜靈魚甜菜汁，沙律酸酸哋，ok喇。俄羅斯麵包，揀左豬肉同磨菰包。溫暖的包包塞滿餡，有點驚喜。羅宋湯，同其它餐廳真有點區別，D 菜仍然好新鮮的，又不腍。 芝士焗大蝦菠菜。蝦幾大隻同好新鮮，肉質實而爽口，好好味！菠菜加芝士亦係好濃。 果仁炆牛面頰，俄式麵包蓋著鍋子烘烤，跟炒飯。但麵包好硬，好重燕麥味，牛面頰出奇的好吃，煮得好腍，汁也味道不錯。之後又order 他們的Russian Pudding。 圍繞布丁的是 lady finger 餅乾，腍了小小~，但布丁好正！還有混合草莓類的醬汁，帶點酒味，賣相一流。 好飽喎，支紅酒真係飲唔落，問可唔可以 帶走？ 佢地醒左個靚靚袋比我添，好野！