C.O.W. Dining (Closed)

今日帶媽媽去食西餐，間餐廳就係主打低溫慢煮料理。我地7:15分入座，員工介紹完餐牌之後就叫左幾樣野食。首先有個頭盤，係一d黃瓜青瓜包住芝士，一咬落去首先會感受到青瓜黃瓜既爽脆，之後就會食到好濃既芝士味。之後一次上兩樣野食，分別係低溫慢煮菠蘿配巴馬火腿同埋低溫慢煮三文魚配魚子醬帶子，首先低溫慢煮菠蘿配巴馬火腿d菠蘿因為用咗低溫慢煮所以啲纖維冇晒令到菠蘿好淋好甜巴馬火腿就正常發揮。到低溫慢煮三文魚配魚子醬帶子，三文魚厚肉多汁，但略嫌塊皮唔夠脆，帶子爽口夠味。之後上左個巴馬火腿意粉同埋龍蝦汁意大利雲吞相反個雲吞就出色，雲吞入面包住龍蝦肉，龍蝦肉爽口，龍蝦汁夠濃。之後上左兩個湯，野菌忌廉湯同洋蔥湯，野菌忌廉湯偏咸。洋蔥湯料多味道岩岩好。最後上埋兩個主菜。低溫慢煮黑豚豬架配黑醋汁同a5和牛肉眼扒配牛肝菌汁。黑豚豬架肉厚多汁，肉眼扒真係比到5成我，肉質軟淋之後餐飲凍檸茶正常發揮到甜品。係一個拼盤，職員教要由淡食到濃，第一個係梳乎厘，好鬆化，唔太甜。之後到低溫慢煮蘋果批，個批放左一陣之後都仲好脆。之後就係青檸撻，呢個係成個甜品拼盤最好食既，酸味味咁，最後係朱古力撻