Video
Read full review
2014-05-10
2218 views
相信好多幫襯過和民嘅人都有呢個感覺-等位等得耐之餘，上菜又慢，又唔係咁食。不過，食完噚晚(9/5/2014)餐和民就幾滿意，亦好滿足。星期四果日上網見到荃灣和民做梗promotion-食幾多錢就送番半額嘅coupons,所以就提議去食，順便慶祝媽媽節。今次因為早去,所以等位嘅時間都唔係好耐，大約半個鐘。今晚仲有得坐卡位，正！(係301-304先係兩邊嘅位都係卡位架咋！)點菜方面，因為太多選擇，花多眼亂，又要考慮同枱各位的囗味，所以就叫咗而家做梗嘅Aeon餐(用Aeon 信用卡可以平幾十蚊嘅套餐。)我嗰晚申請咗，張卡嘅最大嘅好處係終身免年費，有得book位食和民，95折⋯⋯其他優惠各位就自己google吓。今次有二人餐同四人餐，分別係二百幾蚊同五百幾蚊。最後，揀咗二人餐同散叫幾樣。(食落發覺無揀錯，因為偷聽到坐後面枱果4個人都話：咁叫係抵食啲。各位有C9細胞嘅食家們都可以參考吓！)個二人餐有齊前菜，沙律，小食，飯。跟餐沙律雖然係得半份，夠每人分到一小碗，對於我哋四個泥講巳經好足夠，因為我哋對沙律興趣不大。（好懷念之前和民有個拉麵沙律 )食物味道方面不太多講，因為次次/間間和民煮出泥嘅都
相信好多幫襯過和民嘅人都有呢個感覺-等位等得耐之餘，上菜又慢，又唔係咁食。不過，食完噚晚(9/5/2014)餐和民就幾滿意，亦好滿足。
星期四果日上網見到荃灣和民做梗promotion-食幾多錢就送番半額嘅coupons,所以就提議去食，順便慶祝媽媽節。
今次因為早去,所以等位嘅時間都唔係好耐，大約半個鐘。今晚仲有得坐卡位，正！(係301-304先係兩邊嘅位都係卡位架咋！)
點菜方面，因為太多選擇，花多眼亂，又要考慮同枱各位的囗味，所以就叫咗而家做梗嘅Aeon餐(用Aeon 信用卡可以平幾十蚊嘅套餐。)我嗰晚申請咗，張卡嘅最大嘅好處係終身免年費，有得book位食和民，95折⋯⋯其他優惠各位就自己google吓。
今次有二人餐同四人餐，分別係二百幾蚊同五百幾蚊。最後，揀咗二人餐同散叫幾樣。(食落發覺無揀錯，因為偷聽到坐後面枱果4個人都話：咁叫係抵食啲。各位有C9細胞嘅食家們都可以參考吓！)
個二人餐有齊前菜，沙律，小食，飯。
跟餐沙律雖然係得半份，夠每人分到一小碗，對於我哋四個泥講巳經好足夠，因為我哋對沙律興趣不大。（好懷念之前和民有個拉麵沙律 )
食物味道方面不太多講，因為次次/間間和民煮出泥嘅都係咁上下，連鎖餐廳嘅食物跟公式煮餸是常識吧！
每次去和民必食嘅梗係和P（和風比蕯）同鹽燒串燒盛合。我最欣賞嘅係和P你無論放喺枱面幾耐都係keep到脆口。不過當然啦，上面啲料放得耐就會凍咗，影響口感。
今次個串燒盛合食上到枱就凍哂嚕，大打折扣。
其次，炸雞軟骨又係必食嘅。食果時記住擠檸檬汁呀！
另外，今晚令本人有驚喜嘅係'東京月見豚肉飯'—驟眼睇啲肉好似吉野家嗰個牛肉飯。食落囗好有親切感-係梅菜肉片飯嘅味，無錯係梅菜味！啲紫菜食落有梅菜味（同枱嘅四位都有此感覺！）。在下孤陋寡聞，唔知係放得太耐定係呢啲就係東京月見風味。想喺日本餐廳食到'梅菜豬肉'嘅各位不妨一試。
服務方面，附牛肉火鍋上嘅兩個湯匙及日本白蛋可以顯示到餐廳對食客嘅果份細心。記得之前幫襯只係附上一隻普通嘅匙。
至於飲品方面，二人餐有兩杯跟餐飲料。杯青柑桔柚子蜜梳打係絕對冇叫錯，不過杯梅酒梳打就太多冰，飲落似梅味水。
最後埋單送番$230現金券，可以喺1/7-15/8喺新嘅荃灣廣場和民用。可以一次過用哂$230！
p.s. 今次有和民信用卡95折優惠
Post
