Video
Read full review
2019-03-03
667 views
今日朋友帶我去大角咀喜聚坊私房菜。我由旺角地鐵站行過去，都要15分鐘，交通吾算方便，門口睇好似係一間普通嘅菜館。我們有14人，俾咗一間房，有私人空間，大聲都唔怕嘈到隔離。我們訂咗一席，共有12道菜，收費以每位$480計，全包。首先嚟咗兩個小食，水晶脫脂餚肉、炸豆腐。凍食的餚肉， 晶瑩通透，咬落冇肥膩感覺， 再咬一啖熱豆腐，感覺完全相反，豆腐大細比例，剛好一啖一粒，外皮炸得乾身脆口，內裏豆腐軟霖霖，不錯👍跟著上的是一艘龍船，乘載傳奇京酥国寶鸭，侍應介紹這道菜是由国際级大厨王兆宗先生(寶哥)親自處理，寶哥的師傅也煮过這道菜俾鄧小平先生食。京酥国宝鴨要煮4小時，鴨内有瑤柱、蓮子、薏米、咸蛋等等，加入醬汁，味道比較濃，建議由內食到外，果然再食鸭肉，更野味，我喜歡鴨肉多过餡料一些。花樣年华焗波士頓龍蝦，佢同其他酒樓不同嘅地方就係用陽春麵做底，陽春麵吸收龍蝦汁，不錯，麵屬霖身，如果喜歡爽口麵就不適合了，至於龍蝦，肉質彈牙，可惜是蝦殼揼得不夠碎，食時有点麻煩。私房醬彩雲花姿象拔蚌，用秘製嘅醬，加入翠玉瓜、紅椒、黃椒和象拔蚌一齊炒，象拔蚌爽口，醬汁帶少辣，不錯，但未至於令人驚喜。自製果醋果肉黑毛豬骨，
我們有14人，俾咗一間房，有私人空間，大聲都唔怕嘈到隔離。我們訂咗一席，共有12道菜，收費以每位$480計，全包。
首先嚟咗兩個小食，水晶脫脂餚肉、炸豆腐。凍食的餚肉， 晶瑩通透，咬落冇肥膩感覺， 再咬一啖熱豆腐，感覺完全相反，豆腐大細比例，剛好一啖一粒，外皮炸得乾身脆口，內裏豆腐軟霖霖，不錯👍
跟著上的是一艘龍船，乘載傳奇京酥国寶鸭，侍應介紹這道菜是由国際级大厨王兆宗先生(寶哥)親自處理，寶哥的師傅也煮过這道菜俾鄧小平先生食。京酥国宝鴨要煮4小時，
鴨内有瑤柱、蓮子、薏米、咸蛋等等，加入醬汁，味道比較濃，建議由內食到外，果然再食鸭肉，更野味，我喜歡鴨肉多过餡料一些。
花樣年华焗波士頓龍蝦，佢同其他酒樓不同嘅地方就係用陽春麵做底，陽春麵吸收龍蝦汁，不錯，麵屬霖身，如果喜歡爽口麵就不適合了，至於龍蝦，肉質彈牙，可惜是蝦殼揼得不夠碎，食時有点麻煩。
私房醬彩雲花姿象拔蚌，用秘製嘅醬，加入翠玉瓜、紅椒、黃椒和象拔蚌一齊炒，象拔蚌爽口，醬汁帶少辣，不錯，但未至於令人驚喜。
自製果醋果肉黑毛豬骨，用自製蘋果醋，黑毛豬肉霖，加蜜桃陪碟，酸酸甜甜，開胃👍
老火煲蓮子百合粟米螺片鳳尾翅湯，好簡單一句，清甜。
蒜蓉粉絲蒸大元貝，元貝粒粒都好大粒，用一般蒸煮法，由於元貝新鮮，加入蒜蓉，好味。
食到這道菜，巳經有些飽啦，跟住上的是拍蒜魚肚炒菜苗，
炒得清淡不油，正常。
瑤柱翡翠炒飯，雖然好飽，但也要食番啖，炒得很香，粒粒分明，味道恰好👍
最後是其中一個賣點，富貴夜明珠，嘩！好大呀，好似个手球咁大嘅煎堆，放在小盆上配上小燈，好似夜明珠，之後拿走砌成小塊再上碟，煙韌不油，幾好味，可惜侍應不在我們面前砌開夜明珠，有点可惜。
整體食物不錯，份量足夠，價錢500有找，好彩我們有間房，否則地方都算擠迫，交通唔方便，揸車比較好，後面街有停車場。大角咀有很多食肆，下次試吓第二間。
Post
