baby café (Closed)

同媽媽行完街差唔多9點，見baby cafe未收工又冇乜人，新開之後又未食過，就入去試下啦。初初都擔心名人效應，會唔會同食物味道有出入呢....2個人，叫左5樣食物試下！牛尾湯：麻麻地，有少少苦味，而且唔熱。燒雞凱撒沙律：沙律菜好爽脆清甜，燒雞肉燒烤度略嫌不足，有點乾。蜜糖雞翼：皮脆，蜜糖味濃，好味！焗蠔：我冇食，媽媽話d汁好特別，蠔都新鮮好味。忌廉蟹肉蘑菇意大利飯：飯硬左少少，但幾入味，上面個大蘑菇煎過好香有咬口，蟹肉好creamy，賣相亦幾靚。服務員都好客氣有禮，環境幾乾淨整潔，會再次幫襯試埋其他食品。