利寶閣 (Closed)

平時西式自助餐/日式放題就食得多，中式放題就真係第一次試😆今次黎到利寶閣，$258就可以食到高級粵菜放題（星期一至四仲會平啲），加埋一同計埋茶芥兩個人都只係$648.8🤩，入面包咗每人一個極上佛跳牆同二人份既上湯焗大虎蝦，前者有成隻鮑魚係入面，後者隻蝦好大好多汁多🤤另外仲可以任食片皮鴨、堂煎鐵板美國谷飼牛柳、炒蟹、乳鴿、貴妃雞等等，勁多款食物揀😋最鐘意係佢呢度既甜品，有楊枝甘露、榴連布甸、脆麻花雪糕十勝紅豆同杏仁茶，榴連布甸同杏仁茶啲味都勁濃🥰另外如果坐窗口位仲有得望住個海景黎食，最後我地飽到捧住個肚出門口🤣🤣