うどん処 今助

Open Now

Now Closed

今助好似有唔少分店，但我地係第一次食，因為行開大角咀呢頭，見到佢大大間又幾企理就入黎試下。價錢方面，都係一般日式烏冬店既價，都幾合理。我覺得我揀呢個自選飯拼冷烏冬係最抵！成個套餐先$65，個飯同烏冬都唔細，夠晒飽肚！鰻魚份量雖然唔多，但口感好軟熟，唔會話咬唔斷或者皮好厚，飯亦都撈匀晒鰻魚汁，黏身有咬口，不過鰻魚汁就唔係好夠香。反而烏冬就比較失色，麵條太韌，都要d牙力先咬得斷，冷麵汁偏鹹又唔香，好似普通豉油咁。但整體以呢個價錢黎計都幾值既！另外個腐皮烏冬都要＄59，相對地就冇個餐咁抵啦！只係一個好普通既烏冬，烏冬個質地又唔係話好滑好彈牙果種，不過腐皮都幾甜既。