印尼餐廳1968 (Moved) New Location

Lunch time時間，朋友介紹呢間，就黎左食。第一次食印尼野，原本真係無乜期待，因為唔知乜黎。上左菜，係好東南亞既食物。我叫左甜酸魚，因為本身好鍾意甜酸乜乜既食物。因為係散叫，所以叫左個黃薑飯。跟住一食真係不得了，個甜酸魚唔係食開中式個啲，佢甜甜地，加左啲未食過既醬料，好開胃，我平時唔食汁既，都忍唔住撈左飯食。個黃薑飯就真係好黃薑，好入味。啲味出得好均衡，出色。朋友叫左呢個巴東牛肉。可能岩岩食完甜野，一食咸，感覺無咁好味。但都係好味既。朋友配左個椰醬飯，個椰飯無想像中咁甜，我覺得比黃薑飯出色。呢一間一定再返兜。