Video
Read full review
2012-09-15
26 views
同朋友gathering~大家budget 唔多又想食西餐~上openrice搵下就揀左呢間~我同朋友都未食過~但有屋企人食過話OK 就去了~同朋友六點幾到去到~應該都算早所以冇乜人~一入到去就有位~坐左個二人既卡位~坐低之後完全冇人招呼~ 係自己睇下揀咩食~揀好之後就叫左個貌似高級少少既女人過黎落單~講起呢度就嬲喇~個女人服務態度超級差~ 以下係我地既對話：女人：要啲咩?朋友：我要一個M006~女人：M006仲有冇?我：我要一個M013~女人：M013仲有冇?朋友：要多個芝士蒜蓉包~女人：頭先除左M006仲要咩話?朋友：...=_= M013~要多個芝士蒜蓉包~跟住我地仲叫左跟餐既飲品~其實係我地叫個陣佢以為自己記到冇「咁」落部機度，點知自己轉個頭就唔記得我地叫咩啦!!!!!落單全程都黑口黑面，明明又唔多客又勁趕咁，之後落完單佢喺櫃桶拎啲刀叉出黎仲勁大力放喺枱面，講真未食野已經一肚氣啦咁差態度...已經對呢間餐廳扣晒分之後上左兩杯飲品冇耐就上食物~侍應會問左個飯係邊個先放落黎~我覺得呢個唔錯~可以避免客人自己調而淥到~而呢個侍應都令我懷疑其實全間餐廳得嗰個女人態度咁差!!!!!飯睇上
大家budget 唔多又想食西餐~
上openrice搵下就揀左呢間~
我同朋友都未食過~但有屋企人食過話OK 就去了~
同朋友六點幾到去到~應該都算早所以冇乜人~一入到去就有位~坐左個二人既卡位~
坐低之後完全冇人招呼~ 係自己睇下揀咩食~揀好之後就叫左個貌似高級少少既女人過黎落單~
講起呢度就嬲喇~個女人服務態度超級差~ 以下係我地既對話：
女人：要啲咩?
朋友：我要一個M006~
女人：M006仲有冇?
我：我要一個M013~
女人：M013仲有冇?
朋友：要多個芝士蒜蓉包~
女人：頭先除左M006仲要咩話?
朋友：...=_= M013~要多個芝士蒜蓉包~
跟住我地仲叫左跟餐既飲品~
其實係我地叫個陣佢以為自己記到冇「咁」落部機度，點知自己轉個頭就唔記得我地叫咩啦!!!!!
落單全程都黑口黑面，明明又唔多客又勁趕咁，之後落完單佢喺櫃桶拎啲刀叉出黎仲勁大力放喺枱面，講真未食野已經一肚氣啦咁差態度...已經對呢間餐廳扣晒分
之後上左兩杯飲品冇耐就上食物~
侍應會問左個飯係邊個先放落黎~我覺得呢個唔錯~可以避免客人自己調而淥到~而呢個侍應都令我懷疑其實全間餐廳得嗰個女人態度咁差!!!!!
飯睇上去好似好大碟但其實唔係~一匙就可以到「畢」到底~
芝士蒜蓉包($18) 先令我同朋友哭笑不得~原來係芝士粉蒜蓉包 =_=
但要一讚既係蒜蓉包好熱同勁脆!!!!!每咬一口都好大聲~隔離枱都會望下嗰隻~~~
我個飯（M013芝士焗鮮茄牛脷飯 $43）有三塊牛脷~係炒飯底~
茄汁比我想像中少少酸~但都可以接受~
芝士就得勁少~係圖中淨係牛脷上嗰少少~味都食唔出~對我呢啲芝士狂黎講係有啲失望~
牛脷都算大塊但得咸味
冇試到朋友個飯（M006黑焗椒牛肩肉鴨胸飯 $47）~問佢咩味佢話都係黑椒味冇咩特別~
見佢咬塊牛肉好似好難咬開咁~問佢係咪好un~佢又話唔算真係超un但有少少難咬 =_= 哈哈哈~
我叫左熱好立克~都唔會好似茶餐廳咁稀到水咁~起碼都飲到味~呢個係值得一提~
最後我地望住張單計好數夾好錢先拎張單出去俾~ 收錢個女人（頭先落單嗰個）仲要勁串咀咁話「119」~我個朋友問：119?（因為頭先張單冇寫要加一）點知個女人講都費事講，淨係話「係呀119」，呢個時候先見到收銀機痴住張紙話六點後收加一服務費!!!!!! 於是我同朋友就勁趕喺勁逼既走廊度夾番錢~
呢個我希望餐廳可以改善下~喺餐牌或者張單度寫明6點之後要加一~等客人有個心理準備嘛~
總結:
個女人服務態度實在太差，我覺得咁樣落去會累死間餐廳，而且咁既價錢客人可以有好多選擇，唔一定要揀呢間，所以我覺得如果間餐廳咁樣落去好快會唔得... 真心希望佢會改善下~ 如果唔係客人試一次都唔會再黎啦!!!!!
Post
