花園土耳其餐廳 (Closed)

梅窩呢啲山旮旯地方都唔知有咩好食，未食過土耳其菜，就去試吓，當試新野。完全唔認識土耳其菜，所以就梗係叫個拼盤，勝在乜都有，呢個拼盤有六樣菜式，講真一句食完都唔係真係好似嗰啲係乜嘢嚟嘅，淨係知道大部份都係煎炸熱毒，仲有各式唔同嘅醬汁，食完知道自己鍾意食邊一隻醬汁多啲但係都唔知其實係乜嘢嚟嘅。最得意嘅經驗就係拼盤裏面有兩隻辣椒，似係煮熟咗嘅青椒咁款，我第一啖咬落去辣到飛起，跟住狂飲汽水都冇用，最少過咗10幾分鐘先至開始有返味覺。但係朋友食嘅時候就完全唔辣，我哋嘗試去搵出原因，原來辣嘅係個籽，大家食嘅時候要小心。另外再叫多個主菜，其實都係一樣，食完都唔知係乜嘢嚟嘅。呢一餐話好好食咩唔係，但係未食過都覺得好有新鮮感，大家有興趣嘅話都可以試吓。仲有就係過咗夜晚10點，店主就會喺門口set炭爐整串燒，都見到好多街坊行過會過嚟買，我就已經飽所以就冇試，但係都覺得己有風味。