Video
Read full review
2019-07-22
172 views
唔係講笑，我其實從來未幫襯過Red Rice，但堅係一食難忘！初初一睇個餐牌見佢咁平，仲心諗會唔會係伏？一係份量圖文不符，一係勁難食，先要咁平吸引顧客，點知佢真係完全surprise到我！去之前女朋友已經話要試吓個相撲豬扒芝士焗飯（我哋後來轉咗做意粉），我仲諗住佢叫得呢個名多數係因為佢係相撲手咁嘅份量啦，點知食落口先知原來係相撲手啲肉咁鬆軟！佢好食嘅程度真係唔講得笑，其實佢鋪起面嘅芝士同茄醬其實同出面食嘅同類型食品係一樣，但個豬扒就贏九條街，再望吓個價錢，哇大佬54蚊？！54蚊高質到咁真係贏到開晒巷！男人老狗食飯最緊要咩？飽肚、好味！仲要呢個價錢，真係去邊搵？唔怪得知封佢做餐廳皇牌！心諗個相撲豬扒芝士焗意粉已經好味到升天，應該冇嘢可以同佢睇齊架啦！點知個重量級爵士西冷又係好味到暈！首先食牛我最怕又韌又冇味，而呢個西冷係勁重牛肉味同勁林！咬落去完全唔會有筋，究竟佢係烹調方法勁到咁，定係廚師專揀啲林身嘅位嚟煮？雖然呢個貴啲，要88蚊，但我都覺得其實呢個質素嚟講，算抵！仲要我哋加咗20升級咗個套餐，有牛角包有湯有沙律有嘢飲，之後只要加多8蚊就可以叫到杯價值28蚊嘅抹茶奶蓋拿鐵，仲要好好飲，個
但堅係一食難忘！初初一睇個餐牌見佢咁平，仲心諗會唔會係伏？
一係份量圖文不符，一係勁難食，先要咁平吸引顧客，
點知佢真係完全surprise到我！
12 views
1 likes
0 comments
10 views
1 likes
0 comments
去之前女朋友已經話要試吓個相撲豬扒芝士焗飯（我哋後來轉咗做意粉），我仲諗住佢叫得呢個名多數係因為佢係相撲手咁嘅份量啦，點知食落口先知原來係相撲手啲肉咁鬆軟！
佢好食嘅程度真係唔講得笑，其實佢鋪起面嘅芝士同茄醬其實同出面食嘅同類型食品係一樣，但個豬扒就贏九條街，再望吓個價錢，哇大佬54蚊？！
54蚊高質到咁真係贏到開晒巷！男人老狗食飯最緊要咩？飽肚、好味！仲要呢個價錢，真係去邊搵？唔怪得知封佢做餐廳皇牌！
17 views
1 likes
0 comments
心諗個相撲豬扒芝士焗意粉已經好味到升天，應該冇嘢可以同佢睇齊架啦！
點知個重量級爵士西冷又係好味到暈！首先食牛我最怕又韌又冇味，而呢個西冷係勁重牛肉味同勁林！咬落去完全唔會有筋，究竟佢係烹調方法勁到咁，定係廚師專揀啲林身嘅位嚟煮？雖然呢個貴啲，要88蚊，但我都覺得其實呢個質素嚟講，算抵！
9 views
0 likes
0 comments
21 views
0 likes
0 comments
仲要我哋加咗20升級咗個套餐，有牛角包有湯有沙律有嘢飲，之後只要加多8蚊就可以叫到杯價值28蚊嘅抹茶奶蓋拿鐵，仲要好好飲，個奶蓋冇出面賣嗰啲咁咸！
9 views
0 likes
0 comments
12 views
0 likes
0 comments
最後我哋仲叫多咗個芝士蘑姑釀無骨雞翼，26蚊2隻其實唔算特別平，但雞翼入面釀咗流心芝士同蘑菇真係好正，味道幾香濃，雞翼仲要烤得啱啱好，熱辣
辣食真係好正！！！
Post
