麵屋 元祖達摩 (Closed)

第一次食就有唔錯既感覺，之前一直食開中環豚王，我係覺得好正。跟住見到屋企附近有間達犘拉麵就決定要同豚王比較比較。價錢比豚王平少少 (真係好少)，但味道同豚王都有得fight。我食左個豉油拉麵，我食要加都先夠full。湯底濃、麵質彈牙爽口，再配埋d豚肉，入口即溶既感覺一流，但嫌少左d，得兩塊，不過出面都係咁。至於服務方面，我覺得尚有進步既空間。因為我坐bar枱，人又多，我想叫野食既時候，waiter見我唔到，但因為坐bar枱同廚房哥哥好近，而佢又見視我而不見，所以我覺得佢應該可以出手幫幫我，而佢冇。所以我覺得開放式廚房，員工禮貌都好緊要。