Video
Read full review
2014-08-04
467 views
農曆大年初三,屋企唔洗去拜年,打算同舊同學一齊去南生圍行下,呢個地方其實十年前都想去,早上到天后巴士總站搭過海隧道巴士入元朗之前,去左附近o既麥當勞食早餐本人好少機會食麥當勞早餐,真係一年都未必有機會食到一次,扭扭粉係有o的轉彎o既通粉,形狀幾特別,又只限早餐供應,當日唔知幾時先行完南生圍,所以就諗住食得豐富o的,第一次食扭扭粉啦!呢間麥當勞地下係收銀處,座位全部o係二樓,我地先上去搵位,再落黎買野食記得麥當勞宣傳話有十二款扭扭粉,真係花多眼亂,其實係兩款粉,兩款湯,三款餸,就可以組合成十二款唔同配搭,扭扭粉可以選擇普通扭扭粉或者加$2要新出o既芝士扭扭粉,至於湯可以選擇原味或豬骨湯味,三款餸係豬柳蛋,板燒雞腿及火腿扒蛋唔知職員係唔係新入職,又或者係農曆新年o既替工,竟然搞唔清早餐時段有冇得賣扭扭粉,一時又話冇,轉頭問過第二位職員又話有得賣,我要左一個雞湯湯底o既豬柳蛋芝士扭扭粉套餐,配脆薯餅及濃香咖啡,另外我有媽咪會會員證,可以獲得一杯細橙汁豬柳蛋芝士扭扭粉有一塊豬柳,一隻煎蛋,仲有溶左o既一片芝士扭扭粉其實係有坑紋o既通粉,不過形狀幾得意,適合小朋友食,芝士扭扭粉有幾濃既芝士味,本
本人好少機會食麥當勞早餐,真係一年都未必有機會食到一次,扭扭粉係有o的轉彎o既通粉,形狀幾特別,又只限早餐供應,當日唔知幾時先行完南生圍,所以就諗住食得豐富o的,第一次食扭扭粉啦!
呢間麥當勞地下係收銀處,座位全部o係二樓,我地先上去搵位,再落黎買野食
記得麥當勞宣傳話有十二款扭扭粉,真係花多眼亂,其實係兩款粉,兩款湯,三款餸,就可以組合成十二款唔同配搭,扭扭粉可以選擇普通扭扭粉或者加$2要新出o既芝士扭扭粉,至於湯可以選擇原味或豬骨湯味,三款餸係豬柳蛋,板燒雞腿及火腿扒蛋
唔知職員係唔係新入職,又或者係農曆新年o既替工,竟然搞唔清早餐時段有冇得賣扭扭粉,一時又話冇,轉頭問過第二位職員又話有得賣,我要左一個雞湯湯底o既豬柳蛋芝士扭扭粉套餐,配脆薯餅及濃香咖啡,另外我有媽咪會會員證,可以獲得一杯細橙汁
豬柳蛋芝士扭扭粉有一塊豬柳,一隻煎蛋,仲有溶左o既一片芝士扭扭粉其實係有坑紋o既通粉,不過形狀幾得意,適合小朋友食,芝士扭扭粉有幾濃既芝士味,本人認為值得俾多$2轉做芝士扭扭粉,呢碗扭扭粉份量唔算少,又夠熱,味道幾好
碗粉仲有紅蘿蔔及洋蔥粒等配菜,真係豐富,食碗粉飽肚過食一個包
套餐有薯餅一塊,冇乜特別,一樣都係炸得香脆,好味道!
當日係年初三早上,估唔到有幾多客人幫襯,附近有間酒店,唔少強國人黎食早餐
原來扭扭粉早餐係香港麥當勞首創,迎口香港人味道,等大家唔一定要到茶餐廳先食到通粉
唔知下次再去麥當勞食早餐,又會係幾時呢?
Post
