潮式腸粉家菜館 (Closed)

睇完網上一篇有關皺皮腸粉食評介紹呢間潮式腸粉，據聞舊店喺當區有點名氣，難得佢喺太子開咗新店，所以今日我特登來試試。成間店得幾張大圓檯，所以一定會搭檯，而每一檯都有人order呢個潮式腸粉呢。潮式腸粉主餐牌係$45，而午市就$42配埋飲品，可揀豆漿/羅漢果水/薏米水。另外我order咗午餐嘅沙茶蠔仔麵餐($39)。潮式腸粉即叫即整要等，蠔仔麵先登場。蠔仔麵嘅味道有喜出望外，蠔仔size ok份量足有鮮味，麵爽，但湯底略賺有點過鹹。後來潮式腸粉來到，我覺得腸粉變咗配角。潮式腸粉頗大碟，皺紋腸粉內係冇肉的，有好似沙嗲醬味道嘅醬汁，煙韌嘅腸粉裡面有雞蛋、芽菜、生菜、冬菇。本身我唔係好識食潮州野，所以我唔太識欣賞。我聽到對面有位女士問佢身邊嘅男士「似唔似你鄉下食嘅？」嗰個男士冇答到Btw, 羅漢果水同美味嘅蠔仔為我今日嘅午餐添分了。