肉餅哥小炒料理 (Closed)

上網睇到元朗Yoho Mall 新開咗美食廣場Foodeli，而咁啱今日三點三有些肚餓，所以去左Foodeli睇下有乜野食。因為怕食得太多，食唔落晚飯，所以到最後揀左食肉餅哥。肉餅哥個名就成日聽，但食就真係今日第一次食，叫左外賣肉餅哥漢堡包配薯角，等左15分鐘左右，可能是因為Foodeli新開張關係，所以堂食好多人，坐滿晒，想搵個位坐下都好難。漢堡包及薯角用紙盒包裝，然後再放入紙袋。茄汁用紙杯裝住，包裝咁好難怪外賣要加$2啦。隔左15分鐘先打開食，包及薯角仲熱既，肉餅厚身，有肉汁，唔會太乾身，可能因為肉餅先係主角，所以其他餡料不多，而薯角就不過不失，正常都不會太難食。因為罐裝汽水都加$5，覺得唔抵飲，反正都是外賣，所以就無叫飲品。總括來講，肉餅係好味既，但$60食一個肉餅漢堡及薯角，有點貴，不太抵食，一樣的價錢，食其他野食，巳經好飽了。