Video
Read full review
2016-08-27
301 views
難得有朋友就我揀地方食飯，緊係要揀自己屋企附近啦，之前已經想去下最近興起既蒸氣火鍋，原來鰂魚涌長發都有，一於要去食下！蒸氣火鍋套餐有3種，最後揀左A餐配粟米同四寶丸。首先來到既係海中蝦，本身係懶人既我其實經常因為懶而唔叫蝦，但呢個蝦真係要讚，鮮度高，上枱前一刻都係活既，蝦肉彈牙而且蝦膏鮮甜！接著到馬刀貝都同樣新鮮，蒸煮時間岩岩好，鮮味之外再帶少少貝類特有既海水味，非常好！之後到特大聖子，出到來又真係幾大，調味上用左蒜蓉，好濃郁蒜香味，加上聖子本身肉質夠彈牙，最後兩者精華滲透到粉絲中。再來既係日本大元貝，同樣用左蒜蓉去調味，粉絲做底，鮮味濃厚不在話下，肉質上比起聖子既爽口彈牙，元貝相對柔軟嫩滑，同樣美味！下一道海鮮係美國石蠔，體型嗰蠔當中算係大碼，而且蒸完都唔會收縮好多。蒸蠔起初以為會好淡味，但食落先知原來係好清甜，而且肉質係更柔軟，細滑口感可以媲美豆腐，正！最後既海鮮係黃金貝，呢種貝除左中間貝肉之多，外圍亦較多邊，口感上會多左一層，嫩滑加上爽口同時感受到，更令蒜蓉粉絲既組合百試不厭！重有栗米同四寶丸，粟米甜味好夠，size都唔細！至於蒸四寶丸都係第一次食，比起其他煮法，蒸會比較濕潤同柔
蒸氣火鍋套餐有3種，最後揀左A餐配粟米同四寶丸。
首先來到既係海中蝦，本身係懶人既我其實經常因為懶而唔叫蝦，但呢個蝦真係要讚，鮮度高，上枱前一刻都係活既，蝦肉彈牙而且蝦膏鮮甜！
接著到馬刀貝都同樣新鮮，蒸煮時間岩岩好，鮮味之外再帶少少貝類特有既海水味，非常好！
之後到特大聖子，出到來又真係幾大，調味上用左蒜蓉，好濃郁蒜香味，加上聖子本身肉質夠彈牙，最後兩者精華滲透到粉絲中。
再來既係日本大元貝，同樣用左蒜蓉去調味，粉絲做底，鮮味濃厚不在話下，肉質上比起聖子既爽口彈牙，元貝相對柔軟嫩滑，同樣美味！
下一道海鮮係美國石蠔，體型嗰蠔當中算係大碼，而且蒸完都唔會收縮好多。蒸蠔起初以為會好淡味，但食落先知原來係好清甜，而且肉質係更柔軟，細滑口感可以媲美豆腐，正！
最後既海鮮係黃金貝，呢種貝除左中間貝肉之多，外圍亦較多邊，口感上會多左一層，嫩滑加上爽口同時感受到，更令蒜蓉粉絲既組合百試不厭！
重有栗米同四寶丸，粟米甜味好夠，size都唔細！至於蒸四寶丸都係第一次食，比起其他煮法，蒸會比較濕潤同柔軟，係另一番風味，而且效果唔錯，靠食材本身味道已經足夠！
最後到壓軸既排骨南瓜粥，火鍋開始前把粥材料放入蒸餃盤底下，令每一種海鮮蒸既時候流出既鮮味精華都落入粥底入面，所以整個粥都散發住啖啖鮮味，而且除住煮既時間愈耐，鮮味會更濃，所以食耐d都唔怕！其實一開始有拎火鍋醬料，用豉油蒜蓉葱之類重口調味，點知食左第一啖海鮮後就發現根本唔需要用醬料，到頭來有d浪費。
Post
