樂麵

Open Now

Now Closed

今日去咗葵芳接男朋友放工，我地就去咗呢間拉麵店到到食拉麵🍜❤️兩個拉麵我地都叫左雞湯，不過一個係花雕醉雞湯，另一個係真熬雞白湯。花雕醉雞湯好香花雕酒香味，入口好容易接受，呢種花雕酒嘅香味係帶少少甘甜，唔會苦！除咗花雕酒味仲有好香嘅雞味，係我覺得做得好出色嘅湯底！配料都有雞肉，鴨肉同醬油糖心蛋！真熬雞白湯就飲到雞湯嘅鮮味，飲得出都好濃郁，湯底煲咗好多個鐘，所以非常入味。呢一款嘅配料就更加豐富，有齊豚肉，鴨肉，雞肉，醬油溏心蛋！小食方面，我地都叫咗好多。分別有日式餃子、秋葵釀蝦膠炸串同椒鹽唐揚日本池魚。日式煎餃子香脆多汁，秋葵釀蝦膠彈牙又爽口，椒鹽唐揚日本池魚好香魚油味！