Video
Read full review
2021-01-15
1213 views
食因：以往成日係討論區入面一講起米線都有雲桂香既身影，而小弟正正係一個熱愛米線又無辣不歡嘅人，加上近日學校附近將會開分店，係未開之前想去試下，所以一放學就本着好奇和朋友9衝去食啦。優點：1.夠辣！！！（湯底入口第一啖好有驚喜，哽口得嚟有種「嘩！幾有趣既感覺」，但麻的部分就欠奉）2.食完唔會覺得好膩(各花有各眼，每個人對膩嘅定義唔同）3.奶茶唔錯，甜度啱啱好4.餐廳環境尚算良好缺點：1.辣味好快厭（得第一啖有驚喜，正常麵應該愈食愈辣，而第一啖和最後一啖應該有不同的感覺。辣椒同不同香料嘅結合理應造就一種與眾不同的湯底，但係呢碗愈食愈平淡亳無特別，到最後甚至覺得難食，得返辣呢種舌尖上既刺激。咁我食辣椒好過啦！！）2.貴（在同區既餐廳嚟講價格定位相對高。E.g.豬頸肉同埋肥牛都要加15蚊既真係搵唔到）3.麻辣只辣唔麻4.侍應服務態度欠佳總結：老實講我係個啲係辣就收貨既人，第一次食完辣野咁失望，而朋友都覺得相對普通，完全冇再去食既衝動。朋友食小麻辣，我食勁麻辣都食唔到個種嘴唇麻痺嘅感覺，一碗唔麻叫意外，兩碗唔麻叫實在。另外，如果話湯底係一碗麵既精髓，咁好既餸菜就係令一碗麵畫龍點精既存在，單調既湯
以往成日係討論區入面一講起米線都有雲桂香既身影，而小弟正正係一個熱愛米線又無辣不歡嘅人，加上近日學校附近將會開分店，係未開之前想去試下，所以一放學就本着好奇和朋友9衝去食啦。
優點：
1.夠辣！！！
（湯底入口第一啖好有驚喜，哽口得嚟有種「嘩！幾有趣既感覺」，但麻的部分就欠奉）
2.食完唔會覺得好膩
(各花有各眼，每個人對膩嘅定義唔同）
3.奶茶唔錯，甜度啱啱好
4.餐廳環境尚算良好
缺點：
1.辣味好快厭
（得第一啖有驚喜，正常麵應該愈食愈辣，而第一啖和最後一啖應該有不同的感覺。辣椒同不同香料嘅結合理應造就一種與眾不同的湯底，但係呢碗愈食愈平淡亳無特別，到最後甚至覺得難食，得返辣呢種舌尖上既刺激。咁我食辣椒好過啦！！）
2.貴
（在同區既餐廳嚟講價格定位相對高。E.g.豬頸肉同埋肥牛都要加15蚊既真係搵唔到）
3.麻辣只辣唔麻
4.侍應服務態度欠佳
總結：
老實講我係個啲係辣就收貨既人，第一次食完辣野咁失望，而朋友都覺得相對普通，完全冇再去食既衝動。朋友食小麻辣，我食勁麻辣都食唔到個種嘴唇麻痺嘅感覺，一碗唔麻叫意外，兩碗唔麻叫實在。另外，如果話湯底係一碗麵既精髓，咁好既餸菜就係令一碗麵畫龍點精既存在，單調既湯底（可能得麻辣係咁啦）加上毫無特色的配菜令我覺得真係可一不可再。希望下次有機會去既時候，啲餸會畀到我驚喜。
勁辣肥牛豬頸肉小鍋紅薯粉
$66
44 views
0 likes
0 comments
Post
