Cow Bean (TKO Gateway) (Closed)

情人節周圍都多人好難搵位食飯，經過Cow Bean見到賣相好似幾好，而且之前申請左張會員卡可以用個會員價叫情人節餐就拎左飛等位。等左唔係好耐就入得，環境燈光都好舒服乾淨，咁岩有張窗口位。有位肥姐姐好好禮貌一入去就講歡迎光臨情人節快樂～之後主動介紹情人節餐，雖然價錢有點貴，不過一年一次慶祝冇所謂啦😂前菜同湯都幾特別，三文魚配芒果個味幾夾，南瓜薑汁湯個味都幾特別😋主菜分別叫左西冷牛扒同羊鞍，兩款成數都掌握得好好。西冷肉質鮮嫩，唔會好硬，牛味濃；羊鞍冇so味而且肉質唔會太熟太硬。整體食物質素都好好👍🏻甜品係士多啤梨蛋糕，賣相幾精緻有玫瑰花瓣襯托，掛住食都冇影到相😂😂有位肥經理主動幫我地影相好好人。埋完單走每個員工都有講拜拜多謝曬，由入座到走都咁好服務，服務態度真係一流！我覺得係值得可以再去食～下次可以搵多d朋友一齊可以叫多d甜品一齊share食多幾款！