炑八韓烤 (黃金廣場) (Closed)

其實韓國野都食過唔少次，不過之前都係食雞、泡菜飯果啲多，今次難得呀媽又想食，試下韓燒先今次有張醬油蟹嘅優惠券，不過我自己唔食蟹，所以係母親大人食嘅因為book定位加已經拎定位，所以一上到黎即刻有得坐同食前菜佢啲前菜係ok嘅，而且有沙律可以清一清個口係幾好我地今次決定散叫，分別叫左幾樣餸黎食首先有豬大腸 ($100)上枱時已經剪定一粒粒，好快就燒熟，食入口幾彈牙，冇怪味牛胸肉 ($125)牛亦都係快熟嘅食物，燒兩燒就食得，呢隻牛幾靚，入口順滑，唔會太難咬炑八壽司 ($68)平時出街買壽司都係日式，韓式比較少食，同其他嘅韓式壽司一樣比較冇咁生，飯粒幾軟熟，但係如果想試多啲野食，呢個可以唔叫韓式辣炒年糕 ($88)呢個年糕有啲餐肉加左入去，而年糕都夠淋，唔算太辣，最後都清到成鍋韓國鰻魚 ($238)除左原條鰻魚之外，仲有啲葉, 姜, 同埋醬(唔太sure係咩醬)可以配襯不過燒果陣要剪，我地唔識剪而職員係主動幫手剪同燒，呢樣值得一讚雖然最後成品唔算太靚，但係食入口係真係熟同埋唔會太諧，重點係冇乜骨！(係咪真係完全冇我又唔sure，始終再寫呢篇都隔左幾耐)另外仲有個烤多春魚 ($68)，可惜冇影