潮福蒸氣石鍋 (Closed)

其實想試好耐，但總係感覺蒸氣石鍋比較貴，但啱啱呢幾日太凍，再加埋朋友推薦下，終於同朋友嚟食位於旺角呢間潮福，一睇個牌338一位，但原來都好多海鮮選擇，就咁睇性價比方面都算合理先嚟上個湯，已唔記得叫咩名，原本想叫嗰個響螺肉賣晒，但呢個燉湯熱透感覺已值得一讚，入幾啖暖晒，個湯好足料，以及清甜準備整嘢食之前，呢到嘅員工準備定粥底，我哋叫咗淮山粥，初頭先佢份旺咁少，到最後先知自己孤陋寡聞，原核之後個粥好大煲，仲有唔同層次嘅味道，真係好正，下次會留肚食重點當然係海鮮，第一次見呢種蒸法，忍唔住影相，原來呢種方法時間好緊要，好彩全程有個員工負責較時間，令所有海鮮都無超時，啱啱好，剛剛熟入口好爽，同埋有鮮味，啲海鮮好新鮮，大家都食得好滿足之後仲有得任飲任食其他嘢，呢part我無份叫，叫咗朋友是旦畫啲就得，記得個牛肉好爽，雞就好嫩口，兩種肉都唔錯，佢哋仲有菜、粟米、勝瓜，蒸菜原來係咁，第一次試都幾特別，仲有吃過幾種丸咁，淨係記得梅菜豬肉丸最好，其他都好食最終吃到超級飽走，估唔到第一次嘅經歷唔差，下次一定再幫襯！