美至雞 (Closed)

今日晚餐家人想食雞，於外賣平台揾到美至雞，睇過餐牌認為可以試下，就叫咗一隻蒸雞，再加其他配菜。滋補蒸雞一隻，首先隻雞收到後，放咗一陣都仲好熱辣辣，香味撲鼻，我用手就咁扯開啲肉分俾家人，真係幾好味。跟雞涼拌土豆絲，份量夠多，味道亦唔錯。紅燒豬手，都夠入味，豬手本身就唔多肉，但都係好食的。涼拌青瓜，家人係唔食的，所以青瓜係全部我食晒，味道都夠惹味的。檸檬無骨鳳爪，未試之前諗緊檸檬味會否好怪，食落覺得都幾好味，去晒骨好方便。整體食品質素唔錯，會繼續試下其他食物。