Video
Read full review
2018-01-17
41 views
平時食串燒通常都係內地到， 好少喺香港專程搵一間鋪頭坐低食串燒！今次係第一次試下喺荃灣搵到一間，火鍋加串燒嘅舖頭叫燒皇！餐廳不算太大，分為鋪內和鋪外。入邊位置都比較多，而出面位置則設有兩個戶外餐枱！最適合個啲要係冬天吹著涼風食著火鍋嘅朋友呀！ 咁呢兩個位置呢就最啱你地啦！ 講番嘢食， 我哋點咗幾串串燒，包括有羊肉、雞肉、四季豆！ 全部都好新鮮，而且加咗好多調味料，有少少微辣，但係好香口好容易入口！另外，海鮮方面，我哋叫咗生蝦刺身，生蝦非常新鮮，而且餐廳用上泰國辣醬的制法，醬汁配著鮮蝦，帶有甜味又辣得令人上癮， 非常有風味！之外，我哋叫咗個椰子雞煲，椰子雞煲椰湯實在太太太好飲！！！ 我哋飲咗好多碗先落料去打邊爐！ 加埋打邊爐必點嘅肉丸、芝士丸，食落味道有有椰子香味，非常香口 !不過，餐廳用的用品就好唔環保，會令環境帶嚟好多白色污染，而且要花上數百年先化解個啲發泡膠。 所以食完諗起呢啲發泡膠喺幾百年之後先完全化， 覺得我哋嘅行為好自私，為地球製造好多不必要嘅垃圾。希望餐廳可以改善！資料由 iPlayHK香港愛玩生網站 提供
平時食串燒通常都係內地到， 好少喺香港專程搵一間鋪頭坐低食串燒！
今次係第一次試下喺荃灣搵到一間，火鍋加串燒嘅舖頭叫燒皇！
餐廳不算太大，分為鋪內和鋪外。入邊位置都比較多，而出面位置則設有兩個戶外餐枱！最適合個啲要係冬天吹著涼風食著火鍋嘅朋友呀！ 咁呢兩個位置呢就最啱你地啦！
講番嘢食， 我哋點咗幾串串燒，包括有羊肉、雞肉、四季豆！ 全部都好新鮮，而且加咗好多調味料，有少少微辣，但係好香口好容易入口！
另外，海鮮方面，我哋叫咗生蝦刺身，生蝦非常新鮮，而且餐廳用上泰國辣醬的制法，醬汁配著鮮蝦，帶有甜味又辣得令人上癮， 非常有風味！
之外，我哋叫咗個椰子雞煲，椰子雞煲椰湯實在太太太好飲！！！ 我哋飲咗好多碗先落料去打邊爐！ 加埋打邊爐必點嘅肉丸、芝士丸，食落味道有有椰子香味，非常香口 !
不過，餐廳用的用品就好唔環保，會令環境帶嚟好多白色污染，而且要花上數百年先化解個啲發泡膠。 所以食完諗起呢啲發泡膠喺幾百年之後先完全化， 覺得我哋嘅行為好自私，為地球製造好多不必要嘅垃圾。希望餐廳可以改善！
資料由 iPlayHK香港愛玩生網站 提供
Post
