Video
Read full review
2021-10-14
717 views
呢間Burger想食好耐 一直都未試到 聽講佢地既薯條係必食 係特別好味 今日特登約埋朋友去尖沙咀個間分店試下 我地揀左平日星期一晏晝去食 諗住平日會冇咁多人 點知去到真係冇乜人 大把位 餐廳係好大間 啲枱同座位都好大好闊落 但其實枱既數量唔多 我地兩個女仔都係揀左Little Size既Burger 但其實Little都已經好夠 好似同平時食開既Burger個Size一模一樣 朋友揀左個Little Bacon Burger揀左All the way再加左個燒烤醬 All the way其實入面已經有好多野 有蛋黃醬 生菜 酸瓜 蕃茄 煎炒洋蔥 煎炒蘑菇 茄汁同埋芥末醬 再加埋煙肉同塊漢堡 食落好足料好好味 我都係揀左個Little Bacon Burger 就咁加左茄汁 蕃茄 洋蔥同埋生菜 已經覺得好好味 佢地既煙肉係原條煎到脆身 再整開一半放落個burger 第一次食到咁脆身既煙肉 估唔到又同個burger咁夾 個人覺得煙肉係必食 另外塊漢堡食落好多肉汁 好juicy好好味 仲叫左份細既唔辣既薯條 細既份量已經有好多 係用一個外賣既紙杯裝滿 另外仲有好多跌左落個外賣袋度 我地就認
朋友揀左個Little Bacon Burger揀左All the way再加左個燒烤醬 All the way其實入面已經有好多野 有蛋黃醬 生菜 酸瓜 蕃茄 煎炒洋蔥 煎炒蘑菇 茄汁同埋芥末醬 再加埋煙肉同塊漢堡 食落好足料好好味 我都係揀左個Little Bacon Burger 就咁加左茄汁 蕃茄 洋蔥同埋生菜 已經覺得好好味 佢地既煙肉係原條煎到脆身 再整開一半放落個burger 第一次食到咁脆身既煙肉 估唔到又同個burger咁夾 個人覺得煙肉係必食 另外塊漢堡食落好多肉汁 好juicy好好味
仲叫左份細既唔辣既薯條 細既份量已經有好多 係用一個外賣既紙杯裝滿 另外仲有好多跌左落個外賣袋度 我地就認為個薯條普普通通 係比平時食開個啲薯條脆啲 又未去到啲人講話必食 啲薯條既份量多到兩個人都食唔晒
MilkShake我地叫左一杯一齊飲 望落好大杯 一人一杯一定飲唔晒 有好多味可以揀 我地揀左Strawberry Vanilla加Whipped Cream 飲落淨係飲到士多啤梨味 仲食到好多果肉 幾好味
整體黎講 店員全部都係外國人 落單要用英文 店員好有禮貌 服務態度好好 好滿意 落完單仲可以係塊玻璃前面望住店員整burger 食物幾高質 最中意食係佢地既Burger 值得一試
Post
