Hunger Strike (般咸道) (Closed)

印度Kebab經過見到有間kebab 好似幾得意，我又未點食過kebab, 所以企係門口諗咗陣，無耐，有個印度籍嘅人從餐廳走岀嚟遞上餐牌，就決定試吓啦。叫咗combo 個set, 加咗$10 要芒果smoothies. 喺餐廳等咗一陣就攞得喇。打開有一堆薯片同小食，當然仲有kebab 本人啦，我叫嘅係牛肉味嘅kebab, 其實我無咩點食過kebab, 真係有啲驚唔知啱唔啱口味，但第一啖食落去，就覺得好好食，啲香料同醬料同啲沙律菜又幾夾，口感好特別，食到菜嘅fresh, 同埋香料嘅濃烈感，有少少羶味，但我覺得ok, 可能接受，個皮都整得幾軟薄，只係食到最後會唔夠醬，個味就會寡啲。小食都幾好食，薯片就偏腍同有啲痴牙，我比較鍾意脆身啲嘅薯片，呢種可能係印度式，我就麻麻。本身我以為smoothies 係普通smoothies, 忘記佢係印度風味，飲嘅時候突然諗，咦，咁特別嘅隻味，又酸又咸咁，哦，原來係印度嘅smoothies, 雖然佢隻味幾得意但我都係有啲啲唔習慣，當係試下新嘢囉～總括嚟講，個kebab 好食，可以一試。