ChaTraMue

Open Now

Now Closed

見咁多KOL同網友之前一直介紹呢間泰式奶茶專門店，我又試下先。今日星期日所以都多人排隊買，我地第一次飲，先飲基本嘅泰式奶茶先。佢嘅模式同台式珍珠奶茶店，但野飲冇得揀少甜少冰，目的係要保持冰凍奶茶嘅味道。你睇到張相，大半杯都係冰，奶茶都係得半杯。講返味道先，的確要讚下，非常濃嘅茶同奶味，甜度我覺得甜左少少，我接受到，同平時飲開嘅奶茶好大分別。如果叫我揀港式、台式同港式奶茶，我會揀泰式奶茶，如果你鍾意飲香濃嘅茶味，泰式奶茶啱你。30蚊一杯，計埋租金收呢個價好合理。KOL話銅鑼灣嗰間好飲，我未試銅鑼灣嗰間，有冇人兩間都試？真係有分別嗎？