Video
Read full review
2006-07-14
12 views
唔經唔覺今個已經係第一百個食評，當然唔可以求求其其揾間嘢嚟食la。下晝過CWB找女友食飯，之前諗住去壽司廣，點知早一日book位都full house，真誇張。忽然諗起呢間鋪未食過，就決定咗呢度作為我第一百個食評...踏進鋪內，發現地方唔大，典型日本壽司鋪格局。之前已經book咗坐sushi bar，估唔到仲係坐响老闆今村先生面前，真係發達lor..叫咗lunch sets入面最貴嘅二個餐，女友食嘅餐包十件自選壽司，加三件刺身、前菜及麵豉湯；我揀嘅set就只係得十件自選壽司(無剌身嘅)。先嚟刺身作為熱身，油甘魚算係肥美，無渣；吞拿顏色紅卜卜，睇上去幾新鮮，不過美中不足係有少少筋；無試到舊甜蝦，不過聽女友講話都幾好。跟住就開始壽司宴嘞...今村先生跟足傳統，先嚟淡口嘅白身魚--- 金目鱲夠鮮，魚味濃，口感清新，忽然想起三年前响築地巿場壽司大食過嘅味道；大拖羅呈紅白相間，直頭好似食嚿魚油入口咁，不過發現食落口時有D渣，眉頭有少少皺，呢樣都係見誠嘅出品勝一籌；再嚟雞魚及象拔蚌，雞魚嘅口感同hamachi好似，都好新鮮；象拔蚌好爽口，一D都唔韌。跟住就嚟比較濃味嘅 --- Anago係一流嘅，
踏進鋪內，發現地方唔大，典型日本壽司鋪格局。之前已經book咗坐sushi bar，估唔到仲係坐响老闆今村先生面前，真係發達lor..
叫咗lunch sets入面最貴嘅二個餐，女友食嘅餐包十件自選壽司，加三件刺身、前菜及麵豉湯；我揀嘅set就只係得十件自選壽司(無剌身嘅)。
先嚟刺身作為熱身，油甘魚算係肥美，無渣；吞拿顏色紅卜卜，睇上去幾新鮮，不過美中不足係有少少筋；無試到舊甜蝦，不過聽女友講話都幾好。
跟住就開始壽司宴嘞...今村先生跟足傳統，先嚟淡口嘅白身魚--- 金目鱲夠鮮，魚味濃，口感清新，忽然想起三年前响築地巿場壽司大食過嘅味道；大拖羅呈紅白相間，直頭好似食嚿魚油入口咁，不過發現食落口時有D渣，眉頭有少少皺，呢樣都係見誠嘅出品勝一籌；再嚟雞魚及象拔蚌，雞魚嘅口感同hamachi好似，都好新鮮；象拔蚌好爽口，一D都唔韌。
跟住就嚟比較濃味嘅 --- Anago係一流嘅，再加上搽响上面嘅鰻魚汁，實非平常食嘅普通鰻魚可比；Uni顏色金黃，口感甘香豐脥，有海水味，不俗。
跟餐嘅茶碗蒸好滑，內裏有白果、冬菇、蝦等材料，幾地道，跟响日本食嘅出品差無幾；麵豉湯好清，附有一兩件吞拿魚鰭肉"lun"吓，跟普通鋪頭出品嘅"庸俗"味道好很多。
用嘅米當然係日本米，口感鬆軟，見今村師傅用三手完成一件壽司，功夫到家。
一邊食嘅時候今村先生都會撩吓你傾偈，我就多口問佢哋嘅貨係唔係多數係築地嚟，佢話大部份都係，另外有部份就從九州嚟，一星期返貨四次咁話...
傾傾吓最後食埋個芝蔴雪糕，功德圓滿...
Post