sensory ZERO (One Island South ) (Closed)

黃竹坑，星期六/日有好多餐廳都唔開，就算開都收五/六點。好在呢間收八點，所以先有飯食。是日海鮮配日本米意大利飯（$158）是日海鮮係三文魚，煮得好靚，魚皮香脆，魚肉剛熟有汁唔乾身。日本米嘅risotto比較似忌廉燉飯，但味道是不錯的，忌廉味勁香濃，飯入面仲有兩三片菇。感味藜麥沙律（$82）五顏六色，勁吸睛。材料十足，有大量藜麥、紅菜頭、茴香、車厘茄、沙律菜、橘子汁。食落新鮮爽口，夠哂fresh。另外叫咗2支手工啤酒，Happy hour $48@玉黃大帝，勁多氣，一開樽蓋爆噴泡。每啖飲完都“er”氣。味道帶丁丁果味嘅酸。南雲生普洱茶啤，飲唔到茶味，味道偏淡，事頭婆話似德國嗰啲冇酒精啤酒。餐廳空間感十足，樓底超高，坐得好舒服。PS：黃竹坑店不收加一。PPS：有最低消費。