Video
Read full review
2013-04-25
30 views
一大班人去食放題真係一件好暢的事，因為 order 啲咩都係嗚一聲就食哂，可以不繼落單！落單！再落單！真係搞都大家越食越興奮，越食越瘋狂，越食越想食多啲！食多啲！食多啲！今晚肯定抵哂呀！ YEAH!!!攞左位即時有位侍應以9秒9的速度放低左兩盤什錦刺身，因為有時間限制的關係，大家都以很快的速度弄好碟wasabi豉油，試吓邊款刺身最好味就重點主打order la…..結果係油甘魚、甜蝦、北寄貝、希靈魚、海螺片及三文魚跑出，第二輪我哋就主打叫呢幾款，刺身食到第四輪時有朋友提議不如第五輪試吓只點甜蝦，我估當然係佢自己最愛吃甜蝦的緣故……嘻嘻！但確實今晚的甜蝦質素令人驚喜，大隻之餘肉質又彈，真係名符其實鮮甜到食完又食，見到盤甜蝦刺身黎到大家都好開心，因為平時真係未試過只點甜蝦做到成個併盤 size 咁上枱…大家都好滿足咁又食食食！不經不覺大家食左超過一百隻以上的甜蝦刺身，真係利害！其實另一個今晚重點 order 的居然係燒物，當中就以有機菠蘿、迷你甜番薯、芝士翠肉瓜同埋意大利香草燒羊架跑出左，個羊架燒到啱啱好帶有淡淡的香草味，算係中 size 的羊架，食得出唔係平價貨色，大家又食左幾轉！講開又
攞左位即時有位侍應以9秒9的速度放低左兩盤什錦刺身，因為有時間限制的關係，大家都以很快的速度弄好碟wasabi豉油，試吓邊款刺身最好味就重點主打order la…..結果係油甘魚、甜蝦、北寄貝、希靈魚、海螺片及三文魚跑出，第二輪我哋就主打叫呢幾款，刺身食到第四輪時有朋友提議不如第五輪試吓只點甜蝦，我估當然係佢自己最愛吃甜蝦的緣故……嘻嘻！但確實今晚的甜蝦質素令人驚喜，大隻之餘肉質又彈，真係名符其實鮮甜到食完又食，見到盤甜蝦刺身黎到大家都好開心，因為平時真係未試過只點甜蝦做到成個併盤 size 咁上枱…大家都好滿足咁又食食食！不經不覺大家食左超過一百隻以上的甜蝦刺身，真係利害！
其實另一個今晚重點 order 的居然係燒物，當中就以有機菠蘿、迷你甜番薯、芝士翠肉瓜同埋意大利香草燒羊架跑出左，個羊架燒到啱啱好帶有淡淡的香草味，算係中 size 的羊架，食得出唔係平價貨色，大家又食左幾轉！講開又講，食放題狂食菠蘿同番薯又真係有啲奇，但個有機菠蘿真係好香好甜，食左咁多肉同刺身之際又真係正好幫助消化之餘又可以減卻濟濟哋的感覺，令大家又可以再黎食多幾轉…呀….講漏左雞腎添…呢個都係必必必必定要食多幾轉先得，不論調味同口感都係要贊，又爽脆又好好味。友人話個牛舌都好林好得，但我本人就唔佷牛所以冇試到。其實啲冬菇、粟米、秋刀魚…..都幾好味，但今晚就比有機菠蘿、甜番薯同芝士翠肉瓜搶哂風頭喇….
是晚最後推介重有皇帝蟹石鍋粥同埋自助甜品 Frozen Yogurt，由於大家都唔食飽肚頪別，但朋友當中有啲人士要有米氣到肚先會知飽，所以個蟹粥就去到最最最後先 order，我哋叫左6人分量所以成鍋咁上，睇上枱個樣都知幾好食，好香蟹糕同蟹的鮮味，啲粥底好綿好鮮甜，結果同今晚的勁食模式一樣，食左三鍋先肯收手！激死！正當有人努力食蟹粥之際，另一邊的朋友就不斷出出入入咁拎啲 一杯杯的Yogurt ，重好興奮話有成4種味道分別有原味、哈蜜瓜、藍莓同士多啤梨，每款都話要試，重有勁多 topping 揀，就連我最愛的乳酸爆珠都有…..真係搞唔掂….食到啲杯成坐山咁高才肯賣單，開心好味的時間真係過得快，兩個鐘話咁快就過左，一班朋友歡聚及瘋狂吃了一頓美味的放題，真係要在此推介一吓比大家！
Post
