川善茶居 (Closed)

今日因為早收工嘅關係，又同友人來到川善茶居， 今次已經係我第三次到訪， 作為抹茶控嘅我，一直對呢度嘅抹茶甜品念念不忘， 但 由於weekend實在太多人， 一般都係平日嘅時間先會過嚟食。 今次嚟到，見到menu有少少唔同外，仲多咗隻貓， 懶洋洋咁瞓喺張櫈度。之前黎過呢度食抹茶芝士蛋糕同埋抹茶心太軟， 一直印像都唔錯， 今次就叫咗個抹茶窩夫。 睇相都見到， 除咗抹茶窩夫外，仲有蛋沙律，煙三文魚同埋菜沙律。首先，擺設黎講算係唔錯， 佢將幾片煙三文魚放到好似朵玫瑰咁， 不過我本人就對呢份窩夫有啲失望。 首先成個餐有一半都係菜沙律， 窩夫其實只有兩片， 好似分唔清楚邊樣嘢先係主角。而家佢將蛋沙律同窩夫放埋一齊， 蛋沙律一般味道比較濃， 同窩夫一齊食完全唔搭，甚至遮蓋埋窩夫嘅抹茶味。 如果單食窩夫嘅話都尚算係脆卜卜， 但係成個餐夾配搭我就覺得一般囉。我地另外order咗兩杯野飲，綠色果杯係有抹茶，soybean milk，chestnut，味道不錯。而啡色果杯係焙茶加白朱古力，仲有棉花糖， 成個配搭都好創新， 兩杯於比較起黎味道都十分好，但本人就會鍾意啡色嗰杯多啲，創意加咗唔少分數。總結嚟講，呢