龍鳳號 (Under Renovation)

這間台灣料理的食物好味，今次已經是第三次到來， 每次都會試未食過的菜式， 今次點了大腸麵線$38， 古早味肉燥飯$36， 宜蘭蔥肉煎餅$48， 醬燒茄子$38， 青檸百香果$28， 山楂洛神花茶$28， 龍鳳豆花$42。 大腸麵線味道比較淡， 古早味肉燥飯調味剛好， 宜蘭蔥肉煎餅一啖一粒入面有豐富肉汁，但皮比較厚身，稍為硬了一點， 醬燒茄子蒜香味濃郁，青檸百香果味道清香， 山楂洛神花酸酸甜甜好消滯， 最後甜品是龍鳳豆花， 面層有芋圓，地瓜圓，紅豆和綠豆，豆腐花豆味不足。第三次到這裏食物依然是可以的， 但店舖的服務還需要改善一下， 當我食食下時，店員突然走過來叫我們換位置， 仲要大大聲同另一個店員講佢哋仲欠糖水就食完啦。 我覺得換位是沒有問題的， 但不是理所當然一定要做， 畢竟我們都是客人，要一個客人食食下飯放低筷子再換枱， 仲要覺得 人哋就嚟食完就一定要換畀你， 這一個概念有少少錯誤吧！