元祖和風食堂虎藏

Open Now

Now Closed

早上要陪女兒回醫院覆診做檢查，早餐都沒吃，見完醫生後，同女兒食埋午餐，才送她回校。每次諗吃甚麼都覺得很煩惱，突然想起上次去禾輋試過元祖虎藏，印象尚算不錯，便與女兒再過來搵食。叫了忌廉蟹肉餅(好好味)，她自選拉麵魚生飯定食(上檯見到唔係魚生飯，係魚子熟三文魚飯，但、亞女沒說甚麼，即係冇上錯喇，我也沒理。仲有前菜及一碗拉麵，想餓都難😂。問女兒好吃嗎？她說還可以。)我叫了73G餐，有日式叉燒拉麵(整體都唔錯，味增湯底唔會太咸，麵煙韌有咬口，日式叉燒，我一直都不愛吃，冇食到。)仲有件抹茶意大利芝士蛋糕(甜度適中，但、底層蛋糕底不夠軟熟)，兩個餐都有一杯飲品，我們叫了凍檸茶及凍咖啡(兩者都屬正常，與一般茶餐廳出品無異)。 埋單$163，價錢Okay,今次叫的食物，整體上都唔算差，但、午市來，見到隔離檯有位男士食緊嘢，後來多咗另一位男士搭檯，做法與茶餐廳沒分別，想坐得舒服，還是下午茶時段過來較好。