Lockeroom Dining (朗晴坊) (Closed)

本身諗住唔再幫襯呢間餐廳，因為上次佢話有折但最後個侍應話套餐已經係優惠唔可以用，我覺得有問題，再睇優惠條款都覺得有問題，於是喺餐廳度留左個食評，不過留完無幾耐，呢間餐廳個老細主動搵返我，除左解釋返係兼職員工理解錯左個優惠，亦好有誠意咁表達左歉意，仲願意畀返個折嘅差額，以及請返我食一餐，於是我呢一日再去見一見老細。佢中間有過嚟打招呼，亦有畀返錢我，係非常之有禮貌。而我今次再試佢廚房嘅野食，仍然係出色。佢個黑毛豬煎得外脆內軟，好有肉汁，調味剛好，朋友食嘅牛肉鵝肝亦非常香甜，當然你唔可以諗二百幾蚊食到好高級嘅貨色，但原材料不錯而煮得有心機，已經超越唔少懶高級嘅餐廳，今次再食返佢個心太軟，依然高水準，加埋一塊即溶嘅脆朱令口感更佳。最難食係個甘筍湯，不過上次個湯係好食既。我唔算寫好多食評，但我覺得呢間店有心做，有錯即刻去改善同補救，而且食物味道好好，員工亦有禮。我相信我會介紹朋友光顧，亦推介大家來支持下享受下。