牛脾氣

Open Now

Now Closed

呢間餐廳之前食過一次，上次就食吉列豬扒飯，今次就叫咗個雜錦海鮮鍋$138，海鮮包含蝦、帶子、蜆、蠔。原本個湯底係地獄湯底係辣既，但店員話湯底有得轉豬骨湯底，所以圖中果個海鮮鍋係豬骨湯底。個set 有得揀飯 或者烏冬，我就揀咗烏冬。份量都幾多，帶子有兩隻，蠔有兩隻，蝦有三隻，蜆有兩隻，仲有蟹柳同娃娃菜墊底。用料都新鮮，蝦肉爽口，蠔唔會有腥味，蜆肉灼完都唔會縮水縮到好細粒，烏冬仲有櫻花蝦點綴，幾吸引視覺。結論：物有所值！