茶理史 (Closed)

事關第一次喺旺角試到自己嘅心頭好, 今日喺尖沙咀又熱又口喝, 最近就係再幫襯佢哋啦 呢間似乎人流較旺角多, 等嘅人都十多個, 舖頭入面4-5位店員都好似有啲手忙腳亂, 但仍然俾我見到其中一位邊做邊噤電話...年輕一代嘛......唉。既然門面咁開揚, 俾客人見到咁嘅工作表現真係會有所扣分 我哋原本一人叫一杯, 阿肥叫咗餐牌上面注明係夏季限定嘅鮮鳳梨林檎冰茶, 而我就叫咗琥珀白玉奶茶, 聽見個名好趣緻咁, 唔知乜家科, 決定試一試。 買完飛都等咗十零分鐘, 聽見佢叫號碼鬼咁興奮啦, 點知...佢同阿肥講話佢叫嗰杯已經冇哂喇(大佬點解唔係一早講嘅? 要等咗咁耐先出聲? 又熱又渴喎) 咁女店員都好好禮貌嘅, 道歉都講咗幾次, 又叫阿肥揀過另一款, 不過阿肥好奄尖架, 其他所有佢都冇興趣, 店員只好乖乖退款...但我嗰杯呢? 仲要等...... 等多大約3-4分鐘先至可以出到我杯琥珀白玉奶茶, 原來係橙色架喎, 白玉嘅意思我諗係因為佢啲珍珠係白白透透的。 試咗一啖之後：嘩!!!咁甜嘅?? 我已經係叫咗小甜........奶茶又唔多似奶茶味......啲珠只係普普通通, 失望呀~~~~~~