大發茶餐廳 (Closed)

之前去食時見佢個常餐有牛肉奄列可以選，今日突然好想食，於是去幫襯，入到去也是全男班客人🤣，果然係比較多男人食茶記，叫了餃子通配牛肉奄列熱茶蜜，但叫完之後被通知無哂餃子，於是改了沙嗲牛肉通，上到枱，見D沙嗲牛肉得好少，但味道ok，肉質淋身，通粉啲湯比較濃，佢個牛肉奄列炒到有啲燶，似炒蛋多過奄列，牛肉份量不算多，至於佢個牛油多士，我覺得幾好味，脆脆地，佢啲牛油好似有少少蒜蓉味，幾好味，服務態度方面，我覺得一般啦，典型茶記服務.