Pati by Lassana (Closed)

依舊要左個一人自選套餐：沙律：蘋果沙律味道唔錯，蘋果好爽脆清甜，仲有烘過既果仁，提升左味道層次，感覺到廚房既用心！配菜：碎蛋沙律焗薯3樣入面水準最高既一道，個焗薯火候剛好，入面既焗薯口感一流，有咬口得黎又軟滑，最正既係碎蛋沙律份量十足，食到最後都仲有沙律配薯仔食，唔會只得薯仔咁寡！主菜：三文魚碎蛋沙律牛角包今日既牛角包大失準，上次食仲有少少脆、同埋牛油香，今日兩者欠奉！碎蛋沙律同焗薯入面既沙律一樣，味道唔錯！不過唔知果啲黑色係味燶左定黑松露碎、但聞唔到有黑松露味。今日黎主要係為左encore個牛角包，但好失望～下次都係試下其他新野！🤤