金田家 (Closed)

金田家喺日本九州好出名的拉麵店，年頭喺銅鑼灣試過登龍街分店食拉麵，有好印象的。今日係將軍澳做嘢，竟然又見到金田家，我先知道原來呢間係一間連鎖拉麵店😂印象好似上次係食豬骨湯拉麵的，今次試吓比較特別的：柚子辛口拉麵本身碗麵就只有叉燒，我追加左紫菜同埋糖心蛋，拉麵冇咗糖心蛋感覺總是差一點。而家我成碗面睇落去豐富左好多，即時激起我的食慾。麵條粗幼適中，咬落去煙韌有嚼勁。湯底我諗應該都係豬骨湯底，但因為係柚子口味，所以會有小小的酸味，但都算夾嘅。另外我再叫多咗一個男爵薯餅配日式蛋沙律薯餅幾香脆可口。整體來講，餐廳環境乾淨舒適，食物質素中上，可以再黎。