Video
Read full review
2017-05-20
1115 views
2017年5月17號天晴早上11點八點幾起身忽發其想趁今日有少少時間，快快手沖完個涼換好衫化好妝去食個夢幻三文治，我嘅目標係要10:00去到，很可惜拖拖延延，11先至去到，老闆娘一句冇嘢買啦。。。我只好傷心地離開。我同身邊嘅朋友講，七次都食唔到，佢哋話我點解咁有恆心去到第七次都堅持會去，我話我淨係想出trip之前食到呢度嘅鹹牛肉煎蛋，很可惜最後一次機會都冇啦。2017年5月18號天晴中午12點今日係我第八次行到過嚟食裕興，各位千祈唔好以為我係食咗第八次，係泥左七次都食唔到。今日係超級超級忙嘅一日，有700樣嘅工事，有N個會要開，要一日裏面做好一個月嘅數。點知失魂阿哥一早唔記得攞嘢，又要我抽時間特登攞比佢，既然嚟到中環，十二點又要趕返工又未食過野，已經灰到嘔嘅我，決定再博一次，如果今次我都食唔到，我認命！阿哥問我咁你食咩啊？我答佢一句裕興，佢講咁耐冇一次係食到，我答佢我來左七次都食唔到。今日係最後機會，博一下無所謂。行到上嚟12點鐘，坐咗大概七成位，我坐低用上好誠懇嘅眼光望住老闆啦，老闆娘望一望我冇晒三文治啦公仔麵啱唔啱啊？呢一刻我有說不出的感動，我唔係再聽到冇嘢食啦，下次早啲啦！而係同
早上11點
八點幾起身忽發其想趁今日有少少時間，快快手沖完個涼換好衫化好妝去食個夢幻三文治，我嘅目標係要10:00去到，很可惜拖拖延延，11先至去到，老闆娘一句冇嘢買啦。。。我只好傷心地離開。我同身邊嘅朋友講，七次都食唔到，佢哋話我點解咁有恆心去到第七次都堅持會去，我話我淨係想出trip之前食到呢度嘅鹹牛肉煎蛋，很可惜最後一次機會都冇啦。
2017年5月18號天晴
中午12點
今日係我第八次行到過嚟食裕興，各位千祈唔好以為我係食咗第八次，係泥左七次都食唔到。今日係超級超級忙嘅一日，有700樣嘅工事，有N個會要開，要一日裏面做好一個月嘅數。點知失魂阿哥一早唔記得攞嘢，又要我抽時間特登攞比佢，既然嚟到中環，十二點又要趕返工又未食過野，已經灰到嘔嘅我，決定再博一次，如果今次我都食唔到，我認命！
阿哥問我咁你食咩啊？我答佢一句裕興，佢講咁耐冇一次係食到，我答佢我來左七次都食唔到。今日係最後機會，博一下無所謂。
行到上嚟12點鐘，坐咗大概七成位，我坐低用上好誠懇嘅眼光望住老闆啦，老闆娘望一望我冇晒三文治啦公仔麵啱唔啱啊？
呢一刻我有說不出的感動，我唔係再聽到冇嘢食啦，下次早啲啦！而係同我講我有選擇嘅權利。真心我好想食三文治但我知道呢個時間係唔會有可能有。
鹹牛肉雞蛋，"要等20分鐘喎"老闆娘友善咁樣通知，等！我當然等啦！我嚟咗八次，又點會因為20分鐘要唔等？
耳邊聽到打蛋聲，聽到火爐嘅聲音，20分鐘後美麗期待已久嘅鹹牛肉炒蛋公仔麵終於嚟到我嘅面前。
又圓又大嘅鹹牛肉煎蛋上枱嘅時候仲睇到啲油響度滾，金黃色我外邊香濃，美味嘅煎蛋下便係，煮得唔會太熟剛剛好嘅椰菜，大少少油又唔會太淋，底層當然不少得就係美味嘅出前一丁公仔麵，水唔多，亦都唔會住得太淋，帶點硬度，煮一個好食嘅公仔麵其實都唔容易。
我好鍾意呢一種坐係街邊，食住簡單嘅公仔面的感覺，可能隔離有一班地盤工作人員，飲住啤酒講住粗口，你可能覺得佢係噪音但係我覺得呢一種感覺都蠻舒服，因為我睇到佢哋雖然粗魯但十分友善。
呢一度嘅奶茶同樣依然水準，奶茶兩者配合得好好，不過少甜仍然過甜。我見到隔離嗰位先生同我一樣大同一個公仔麵，佢嚟到嘅時候望住碗麵的眼神，我知道佢同我一樣，好感動耶！
然後我好開心咁樣將呢一張相send比一個個朋友，得到嘅回覆係"傻婆" "有冇咁好食" "我次次都食到喎點解你次次食唔到" what ever ~ 其實呢個公仔麵唔係特別到要去七次，但有好多野無得解，至少我為自己想食嘅嘢努力，最後都比我食到！
美食同愛情都係一樣，你知道只有甚麼最吸引你。
Post
