麵鮮醬油房周月 (海光街)

Open Now

Now Closed

幾年都獲得米芝蓮榮譽，晚市時間大約7點半排隊，等左15mins左右，都算快。上菜速度都快，而且食客食完就走。叫左燒黑豚拉麵($105)，周月沾麵($91)。黑豚肉燒過之後較香口，麵身比沾麵硬d，個人鍾意硬身麵條。而且湯底鮮甜，飲完唔會口乾。大量蔥花伴麵食一流。仲伴埋流心蛋。價錢雖然貴，不過一試無妨。招牌沾麵可以揀100/200/300g麵量，揀左300g，份量真係好多，男仔一定夠食。第1次食沾麵，如果麵條冇浸落湯食，齋食會淡，冇咩味道。沾一沾湯之後，麵條即刻吸哂d湯，濃郁好多。湯底仲有d肉，荀，都有流心蛋。個湯濃郁，食清淡既人，可以叫淡湯，相對冇咁重口味。