麵鮮醬油房周月 (海光街)

Open Now

Now Closed

此店已Bookmark咗好耐, 絡於來到附近, 就試下 食物 : 周月沾麵 $111 ~ 店員話佢地出名是沾麵, 所以就叫個試下, 賣相幾好, 但個麵食落偏硬, 應該是煮定放到硬咗, 就算放落湯都是偏硬, 湯底好咸, 原應食完後加湯飲埋, 但真係唔得, 豚肉偏硬, 流心蛋好味正常, 店內提供凍麥茶, 非常好 環境 : 日式裝修, 舒服乾淨 服務 : 職員有禮貌 價錢 : HK$122 (加一服務費)

話說小妹做咗鰂魚涌太古街坊廿多年，今時今日先幫襯呢間《連續11年榮獲米芝蓮推介》—麵鮮醬油房周月！平日食沾麵通常係魚介湯、雞白湯等等，今次第一次品嚐醬油做湯頭的沾麵❣️嗱！拉麵店多數賣沾麵、拉麵🍜、煎餃子🥟⋯⋯而《周月》有埋油麵(油そば)、燒黑豚丼（こ飯類）及關東煮(おでん)。首次點餐，緊係揀番招牌菜式～周月沾麵，一份以招牌醬油作湯汁的沾麵：由麵的份量（100/200/300g)、麵底（涼/熱）、沾麵汁（濃/淡）、特別要求、追加配料/汽水（因為由2014-2024年，連續11年榮獲米芝蓮推介，特別推出優惠價加配，詳情請參閱上圖），全部都是自選！醬油湯汁勁濃厚&咸香，咁濃郁的沾麵都係第一次食咋🫣🫣，個人覺得適合重口味者❣️角切燒日本黑豚肉好好食😋，肥度厚度完美，又具口感&肉汁，再配以半流心味玉、脆筍及香蔥，大讚🤘🏻，小妹本身唔太重口味，所以追加了一份野菜，平衡返💚💚💚每逢星期一至五，下午三點前光顧仲免加一添🩷結論：小妹比較喜歡食雞白湯汁😍😍😍

麵鮮醬油房周月～係香港知名度數一數二嘅🍜本身我鐘意沾麵多過拉麵～而佢滿足哂鐘意食拉麵/沾麵既朋友~沾麵同拉麵都有得簡～有時都會問朋友～有冇邊間沾麵推介?🤤佢哋都會同我講，周月好食～所以今次就試吓啦~我就去左鰂魚涌分店食~叫左佢哋招牌～<周月沾麵> $111睇到張落單紙～佢哋有分三個唔同size有100g, 200g同300g簡~ 依三個size都係一樣價錢😆怕唔夠飽或者男士們可以簡300g食醬油味好濃郁，有小小醋酸味加上有好多蔥喺表面，令到個湯底更加香，而麵質比較幼身所以冇咁掛汁～同埋原來佢哋係用咗18個月發酵完全冇加任何防腐劑添加劑個湯底加左咗魚介粉同埋帆立貝油～唔怪之得咁香濃🤤鍾意食沾麵嘅朋友真係值得一試~

間唔中就會想食一次既沾麵，今日經過鰂魚涌分店，就入去食周月我一直都係食佢既招牌沾麵，最中意係佢既麵，比較粗身同埋有口感，而且沾麵可以自己決定沾幾多湯，不過湯底偏鹹，正宗食法係食完麵再加湯飲埋佢，不過鹹到飲唔到啦🤣佢有得揀麵既份量，100g-300g，價錢一樣，同埋有得揀凍定熱麵，衣家有埋少/走油選擇，今次揀左少油，不過感覺好似無咩分別🤔第一次試鰂魚涌呢間，不過總係覺得之前食過既上環店好食啲，如果想試又方便既建議食上環店

朋友哋，今日想同大家嚟個味道上嘅潛水之旅，就喺我嚟到嘅呢間拉麵店嗰度嚟個滋味深潛啦！首先，味玉香辣沾麵真係激發晒味蕾，200g嘅涼麵夠曬彈牙又唔會太硬，麥香嗆鼻，沾汁辣得哋底嘅烘托，真係惹味到爆！隻糖心蛋滑溜溜地出場，呢個對白金唱雙簧真係夠晒醒神😍。再嚟講下周月餃子，外脆內軟嘅皮同豐滿餡料完美結合，朝早嗌醒啲幽默感一樣，令人抵擋唔住又想再夾一個🤤。食完糖心蛋同餃子後，我嘅探險之旅又點少得主角—醬油沾麵呢？勁韌而又不失嫩滑嘅麵條，配上秘製18個月嘅醬油湯底，無論係湯底嘅深邃還係麵條嘅筋道，都係完美嘅表現。關東煮雖然款式唔多，但每一款都滿載誠意，足以留住我對呢間店嘅記憶。喺聚光燈下，燒黑豚同海老油面都唔甘後人，肥嫩多汁嘅豚肉同鮮美不膩嘅蝦油，攜手演繹出一幕幕美味嘅戲碼🌟。總之，今次呢場味覺嘅深海潜行係相當成功，如果你都係個探險家，記得帶埋個空腹嚟挑戰吖！🍜🥟👀

6點零路過見到米芝蓮餐廳唔使排隊，就走入去點咗碗周月拉麵味道：一般拉麵店味道，沒有那種去其他米芝蓮食嘢，嘩。。。好好味呀嗰種感覺環境：一般拉麵店，感覺還是比較乾淨的服務：拉麵店能提供什麼服務？正常日本餐廳入門會大叫歡迎光臨，這店沒有，但如果說沒叫歡迎就說服務差也不對，反正我覺得不反感衛生：沒戴口罩煮野食，仲不停講嘢，就差沒有枝煙係嘴度。之後發現原來之前已有人寫過這個負評，也就是這問題非今日出現。價錢：$111另加一服務費，算比其他米芝蓮便宜，但以食物質素論就貴了，不要期待就是了

周月一向是係全港最愛top 10食店，從中上環開幕至今已幫襯左無數次，中上環水準穩定環境衛生服務都ok，同店員都有傾有講。今日約左朋友係鰂魚涌，就去試下，想像唔會相差太遠罷；兩點半左右去到，當時只有兩個客人，而店員都只有兩三位，但一坐低已聞到店內強烈臭味霉酸宿味，枱櫈也"痴立立"，明顯已有一段時間無清潔。店員態度散漫，回答詢問愛理不理，只顧玩電話或互相吹水（全部冇帶口罩)，其中一位店員似用筆落食材單，我叫左招牌沾麵，呢個唔高，瘦削大眼店員，竟無洗手，就用處理文件文具既髒手攞住我既麵餅放入滾水灼，感覺令人不安同嘔心，而佢視線只專心望住手上既文件，毫無基本烹煮態度。

▪️ 海老油 麵 💲111友人叫咗分店限定既撈麵，偷食左少少蝦味好香🦐🥹▪️ 周月沾麵（6/10）💲111可以揀濃或者淡汁，我係揀左後者，質感偏流質，唔係稠身嗰種，見到有層油係面，味道太死鹹，比較啱重口味人士🫠角切燒日本黑豚肉，肥膏同乾嚡既瘦肉位並存😅平時唔鍾意食脆荀，但呢度既爽脆帶酸，可以解膩又唔錯🤫仲有香蔥同埋味玉🥚沾麵份量有得揀100或200或300g，店家話一般200g，亦可以揀熱或者涼麵，就算要左熱麵，麵條依然係我鍾意既，偏硬身帶點煙韌😌只可惜個汁係沾麵既靈魂所在，實在失色左啲😖🔎 整體評分（6/10）

呢間拉麵店係來自日本愛媛縣，主打醬油沾麵，由2014年開始到宜家已經連續六年獲得米芝蓮推介，喺香港有三間分店(不過都係喺港島)，今次就去咗鰂魚涌嘅分店，店內嘅裝修以木為主，座位唔算多，不過今次過咗午飯時間去就唔使等位🤪✨周月沾麵 $93沾麵可以揀濃/淡汁、冷/熱面，份量可以揀100/200/300g，今次就試左300g嘅冷麵，都真係幾大份，面嘅口感好煙韌彈牙，麥香味濃而且都幾掛湯，肉同蛋都正常發揮。再講下佢嘅醬油湯底🤤佢嘅醬油係用18個月發酵而成，冇加任何化學調味料或者防腐劑，用咗魚介粉同帆立貝油，湯底嘅醬油味好濃郁同埋都幾油，而且偏鹹帶少少醋酸味，但唔會話超級滯，啱晒重口味人士，就算揀咗淡湯底都係偏濃，所以唔鍾意太鹹嘅人就應該唔會鍾意佢哋嘅拉麵，不過我自己就覺得OK🤤但食晒一碗300g真係超級飽🤣

呢間拉麵小店裝修同日本既差唔多, 有拉麵, 沾麵, 拌麵, 丼飯, 小食既選擇😎 燒黑豚香辣沾麵🐷($139)橙色既沾麵汁看似好辣, 食落開頭唔覺得辣, 個辣係個後勁度, 仲有好香筍既味道, 個汁比平時食到既沾麵汁冇咁杰身, 所以食完都唔會覺得好口渴☺️ 沾麵用左偏粗身既拉麵, 可揀涼麵或熱麵, 有100g/200g/300g既選擇😌 另外仲配有半隻整到剛剛好帶微流心既溏心蛋, 三片燒到剛好既五花腩肉😍海老油。麵🦐($111)鰂魚涌店限定, 有大量既芽菜, 五花腩粒, 海老, 筍絲, 生蔥花, 生雞蛋, 同個麵撈埋一齊食好香口, 海老既味道都幾出☺️周月之餃子🥟($45/5件)煎餃偏細隻, 不過勝在夠Juicy, 配搭白醋同餃子汁好食😉關東煮五點盛🍢($80)用醬油去煮既蓮藕, 野菜魚餅, 日本甜薯, 蘿蔔, 帶子食材都好入味, 同平日食開連湯既關東煮相比別有一番風味, 不過個人都係鐘意有湯果款多啲😙呢度既座位全部都係bar枱位, 諗返起上次去九洲既拉麵店真係好令人回味, 大家如果都一樣想食下日本既味道可以黎呢度試下😉

想試左好耐既沾麵店。平時見好多食評都話要排隊，星期日可以有多d時間排，但佢逢星期日又唔開，所以講左成年先試。舖頭位置唔多，全部bar枱，大概得十幾個位，不過都有唔少人叫外賣。當日大概等左10分鐘。坐低後自己tick紙仔。見佢沾麵最出名，我哋每人叫左一個沾麵，一個辣一個唔辣。唔辣嗰個可以揀淡湯，因為通常沾麵都係偏鹹，但諗住個湯都好飲所以揀咗淡味諗住飲埋佢。原味嗰個食落，個湯冇乜豬骨味，同埋少少酸，個麵覺得有d硬。而且個湯全部掛唔到係個麵到，冇食沾麵既感覺。以為係我揀左淡湯既問題，辣嗰個suppose係濃湯，結果一樣都係掛唔到係個麵到，仲要只係得辣味，完全冇豬骨味。佢個價錢本身貴仲要食物質素咁樣，真係幾失望。跟住叫左兩款小食，炸日本豆腐&關東煮5點盛。$30既炸豆腐係同關東煮一樣味的。$80既關東煮5點盛得一嚿蘿蔔，其他野份量都好少，味道亦麻麻地。至於店員態度就好一般，最有禮貌係洗碗既姨姨。成餐飯食左4百幾，感覺都係食米之蓮個名，無性價比，食物都唔合格，暫時冇下次！

周月拉麵，真係每況愈下⋯⋯冇去一排揸車去鰂魚涌店食晏，叫咗招牌沾麵諗住回味下。坐低落單2分鐘都唔夠個麵已經嚟咗，都心知不妙🫤啲麵完全煮定，只係一收到order跟住用啲凍水過一過即上俾啲客，完全淋晒🥶 問個店員起初話即叫先煮，跟住同佢講2分鐘都上到個麵就改口風話呢排處理手法唔同咗（咁即係啲麵煮定啦🤷🏻‍♂️）個湯汁還可以，但和以前個味都唔一樣了，而且啲麵咁樣處理真係完全唔得，差唔多趕客，又唔係多人，得果一枱客😓 以一家在香港都算係老店和對於一個老顧客嚟講，非常失望🫤

中環//鰂魚涌。日本菜🍪#milktea中環 #milktea鰂魚涌 #milktea日本菜 #milktea拉麵 #milktea米芝蓮呢間餐廳已經連續七年攞咗米芝連2014-2020😙 所以今日咁啱經鰂魚涌就去試試嚟之前都見其他foodie對佢哋d拉麵嘅睇法唔太一樣 所以都幾期待又驚會伏😆周月沾麵 (200g) $1088/10 小編叫咗淡汁 湯底酸酸哋 第一啖覺得麻麻地 但係越食越惹味✨湯底有少少叉燒 蘆筍 食落唔錯 麵就幾彈牙 價錢方面就比普通有少少貴 😆燒黑豚沾麵 (300g)$1368/10 湯底跟周月沾麵是一樣的🤣🤣 小編就叫咗濃汁 價錢嘅分別應該在於叉燒 💫 個叉燒有少少炭燒味 肉質偏肥美偏多肥肉 總結來講都幾推介 😆香蔥拉麵 $1027/10 湯底是醬油味 就有很多的蔥 很有蔥味🤣🤣 小編就覺得少清淡相比另外另個面 就只有雞蛋和面 面的份量沒有選擇 但都好多 😗炸日本豆腐 $306.5/10炸豆腐其實不錯 係有關冬煮嘅味道 價錢來說偏貴 因為豆腐只有一塊 佢提供嘅茶係黑麥茶 真係好驚喜🥰📍麵鮮醬油房周月中環歌賦街5號地舖鰂魚涌海光街30號地舖#香港美食 #鰂魚涌 #鰂

是日路經鍘漁涌，發現有間拉麵店，平日好少經過這裡，於是便決定入去試試先。周月拉麵 $108三片日式叉燒，半隻溏心蛋，大量蔥花，荀片，拉麵軟硬適中，配上濃湯，熱騰騰，好好味。

依間主打沾麵，亦都係我最喜歡既沾麵店，每個月都最少要食一次😋見住佢初初黎香港唔使$100食到依家要多過$100😵佢曾經拎過米芝蓮獎項，亦曾經有三間鋪係中環、鰂魚涌、銅鑼灣，依家只係得返中環同埋鰂魚涌😫中環質素唔算好穩定，但有機會可以食到超水準😲鰂魚涌質素穩定，我每次食幾乎都係一樣味道，重點係我試過係日本再食，都係一樣味😲🥢周月沾麵 ($108/另收加一) ．餐牌雖然有其他野食揀，但每次我入到去都只係會叫依款，因為依款係最好食😋．沾麵有100g - 300g畀你揀，唔使額外加錢👍🏻．沾麵亦有涼麵同埋熱麵選擇❄️🔥．沾汁可以揀濃／淡．我每次都會揀依個組合：濃＋涼麵，至於g，會視乎嗰日係咪肚餓，但今次就揀左300g😋．麵 ：飛水做得唔錯，因為麵乾身先可以容易掛汁👍🏻．麵質彈牙，有少少麵香👍🏻．沾汁：醬油底，味道鹹酸，好香魚味🐟，表面亦有一層帆立貝油，鮮味十足👍🏻．對於依個口味，好兩極，有d人覺得鹹酸味道非常奇怪，而且又油膩😵．但我就好鍾意依到既鹹酸味，令人食慾大增，又夠鮮味，而且第二間食唔到，好怕佢連鰂魚涌都執埋就要特登搭車落中環食🥺．沾汁入面有筍同埋炭燒黑豚肉🐽．炭燒黑豚肉：豚肉偏肥，有時甚