C'est la vie (Closed)

成日都好想去佢第1間鋪試下有幾不得了，但去親都要等所以我都放棄左。舊同事介紹我去依間，我以為上水開另1間cafe原來係分店。本身唔係好咖啡之人，嫌佢太重味，但飲下又無妨。叫左1杯「台灣曼巴」同1件抹茶cheese cake。黎到枱面係1杯齋啡，唔... 可能正宗咖啡文化係嘆齋啡同唔落糖掛，其實唔講我都唔知，店員又冇問我，后來好快就補番比我。影完相，加奶加糖，可能凍左，飲落有啲酸酸澀澀咁，但咖啡香係有既！如果偏向鍾意濃味咖啡，佢係幾岩味既，不過切記趁熱飲！而如果閣下同我1樣唔鍾意既，就要問店員要多啲奶！p.s. 唔好用品評茶記啡既心態去飲，唔係果回事！cheese cake賣相同1般既冇分別，滑唔滑見仁見智，但係味道岩岩好，唔漏，亦冇側重係芝士或者抹茶是但1隻味，餅底好鬆化但唔鬆散，唔錯！今日做冬所以7pm收鋪，埋單既時候店員都好細心去問我既意見以作改進，我係食service多過食質素既人，動作加分！會再為左個cheese cake上去，至於咖啡都係唔岩我，下次飲茶！