泰Grill (享和街)

🔖手打雜菜青咖哩 HKD88咖哩椰香味幾重，加上嗌咗少辣，十分香甜，入口唔會太過辛辣，味道柔和。配有大量蔬菜，有椰菜花、西蘭花、紅蘿蔔、椰菜、菇等，都煮得恰好，唔會過淋或過硬，十分健康🔖蒜蓉包 HKD35蒜蓉包好香，法包焗得香脆，唔會太硬，能夠輕鬆咬開。蒜蓉香濃，迴盪於口腔🔖泰式燒雞半隻 HKD148燒雞皮脆肉嫩，十分嫩滑。味道香濃之外，酸甜開胃，好食得嚟不會太滯。有嫩滑、啖啖肉嘅雞髀，雞翼燒得香脆，雞胸亦好香嫩滑不柴。整體水平十分高🔖扇貝2隻 HKD75蒜蓉粉絲烤扇貝，不同之處在於用上泰式醬汁，令味道具泰式菜餚嘅酸甜清新，且帶少少辣，味道既濃郁又開胃。而且扇貝新鮮，烤得恰到好處，唔會好乾🔖油飯 HKD15油飯幾香，淡淡雞湯香氣，頗為清香🔖泰奶沙冰 HKD48嗌咗少甜，味道剛好，泰奶幾香，但略嫌不夠沙冰