Video
Read full review
2024-06-24
236 views
早幾日同朋友食飯吹水唔夠喉... 朋友問我邊度食嘢可以坐耐啲... 唔使限時限刻... 我第一時間諗起【馬祖】!呢間無限時火鍋店主打係養生藥膳湯底... 湯底選擇接近20款... 有辣有唔辣!朋友唔係好食得辣... 所以我哋揀咗鴛鴦湯底〈麻辣鴨血凍豆腐鍋〉拼〈養生蟲草花桃膠雞〉! 前者湯底有我至愛嘅鴨血... Q彈嫩滑... 唔會一夾即散! 後者湯底好有「營」... 蟲草花同桃膠夠曬養生!套餐有幾款... 豐儉由人! 值得提一提... 呢度嘅豬肉同牛肉質素相當唔錯!🔸極級Prime Grade霜降牛小排高質素... 油脂比例平均... 幾乎入口即化!🔸極級Prime Grade安格斯牛頸脊肉味濃郁... 肉質豐盈... 脂肪比例唔重!🔸Prime Grade美國安格斯牛肉牛肉味較濃... 有嚼勁... 口感豐富!🔸西班牙伊比利亞黑毛豬/西班牙無激素豬肉片肉味濃郁而且嫩滑!除咗有以上嘅優質牛肉、豬肉... 仲有好多其他選擇㗎... 包括精選海鮮、鹵水嘢、手工丸丸、台式港式火鍋配料!重點推介:🔸鹵水豬大腸本身已經熟咗... 不過需要再翻熱... 翻熱之後食落好軟腍腍!🔸是日精選海鮮有蜆、蟶
呢間無限時火鍋店主打係養生藥膳湯底... 湯底選擇接近20款... 有辣有唔辣!
朋友唔係好食得辣... 所以我哋揀咗鴛鴦湯底〈麻辣鴨血凍豆腐鍋〉拼〈養生蟲草花桃膠雞〉! 前者湯底有我至愛嘅鴨血... Q彈嫩滑... 唔會一夾即散! 後者湯底好有「營」... 蟲草花同桃膠夠曬養生!
套餐有幾款... 豐儉由人! 值得提一提... 呢度嘅豬肉同牛肉質素相當唔錯!
🔸極級Prime Grade霜降牛小排
高質素... 油脂比例平均... 幾乎入口即化!
🔸極級Prime Grade安格斯牛頸脊
肉味濃郁... 肉質豐盈... 脂肪比例唔重!
🔸Prime Grade美國安格斯牛肉
牛肉味較濃... 有嚼勁... 口感豐富!
🔸西班牙伊比利亞黑毛豬/西班牙無激素豬肉片
肉味濃郁而且嫩滑!
除咗有以上嘅優質牛肉、豬肉... 仲有好多其他選擇㗎... 包括精選海鮮、鹵水嘢、手工丸丸、台式港式火鍋配料!
重點推介:
🔸鹵水豬大腸
本身已經熟咗... 不過需要再翻熱... 翻熱之後食落好軟腍腍!
🔸是日精選海鮮
有蜆、蟶子... 味道非常鮮甜肥美... 而且又冇沙!
🔸雞髀肉
超嫩滑... 必食!
🔸蝦
超大隻又新鮮... 口感彈牙!
場內飲品任飲... 除咗汽水... 仲有自製冷凍烏龍茶/果茶、熱飲可供選擇!
除咗無限時夠吸引之外... 食材新鮮而且選擇多元化... 地方乾淨又企理... 所以我都介紹咗俾好多朋友㗎!
Post
