Sweetology (Closed)

今日要去九龍塘學車, 所以去又一城搵下野食...全部要排隊, 哩間唔洗喎...因為我有點趕時間所以就衝左入去...這餐廳裝潢美麗 食物賣相也很好！以白色為主! 無論裝修, 餐具, 大部份都用白色為主! 設計簡簡單單, 都幾舒服~哩度既餐牌甜品比較多, 亦有全日早餐我ORDER左2份全日早餐班尼廸蛋早餐 同埋雞蛋多士早餐!點知等了又等...餓死之餘仲要好趕時間...30分鐘左右全日早餐終於到了...有鬆餅配忌廉芝士、水煮蛋、班尼廸醬汁、雜菜沙律！鬆餅夾水煮蛋之外 一邊夾煙三文魚 一邊夾煙肉！鬆餅面部會有啲煙肉粒粒,配埋cream cheese同醬汁 加埋流出來既蛋黃！味道都唔錯, 但個早餐比較凍!另外雜菜沙律既材料都幾特別, 有士多啤梨, 沙田柚, 橙, 仲有車厘茄 +半隻恰蛋! 新鮮! 另外雞蛋多士早餐賣相OK呀, 佢將隻半生熟既蛋放入方包! 麵包係烘過既! 多士點埋蛋黃食也不錯, 另外仲有配茄汁豆, 2隻不同款既腸同沙津菜...不過不失, 一個好靚既而平凡既早餐!一般而己!還有時間真係等得太耐...