Video
Read full review
2008-10-27
10 views
今日出左街食飯, 夜晚屋企人叫我去Burger King買飽......其實如果唔係今晚約左人, 我一定會一搔廿多年之癢。小弟仲係四、五歲時, 爸爸成日都會帶我地去屋企樓下basement間Burger King, 可惜之後執左。 有時都會食佢個飽, 當年冇錢, 嫌貴, 不過覺得好好食。幾年前去Melbourne, 再食Double Whopper, 正到不得了!今日再去返, 感覺同細個完全唔同 - 呢間好光猛, 俾人好精神既感覺; 以前個間, 反而有點似而家既"老墨"。Anyway, 買左個Whopper, 一個BK Singles (Bacon) 同BK Singles (Mushroom)。如果以10分為滿分:Whopper : 8分 - Vege同肉既比例幾好, 飽夠大(咁你可以想像Double Whopper會係點), 唯一差少少係塊扒咸左少少。Bacon: 6.5分 - 我個靚女澳洲friend話好食, 不過有點失望。Bacon細, 又同漢堡扒搶味。不過, 點都好食過我地食開既漢堡包......Mushroom: 10分 - 都俾少佢! 諗住食飽左, 平試普通mushroo
其實如果唔係今晚約左人, 我一定會一搔廿多年之癢。小弟仲係四、五歲時, 爸爸成日都會帶我地去屋企樓下basement間Burger King, 可惜之後執左。 有時都會食佢個飽, 當年冇錢, 嫌貴, 不過覺得好好食。幾年前去Melbourne, 再食Double Whopper, 正到不得了!
今日再去返, 感覺同細個完全唔同 - 呢間好光猛, 俾人好精神既感覺; 以前個間, 反而有點似而家既"老墨"。Anyway, 買左個Whopper, 一個BK Singles (Bacon) 同BK Singles (Mushroom)。
如果以10分為滿分:
Whopper : 8分 - Vege同肉既比例幾好, 飽夠大(咁你可以想像Double Whopper會係點), 唯一差少少係塊扒咸左少少。
Bacon: 6.5分 - 我個靚女澳洲friend話好食, 不過有點失望。Bacon細, 又同漢堡扒搶味。不過, 點都好食過我地食開既漢堡包......
Mushroom: 10分 - 都俾少佢! 諗住食飽左, 平試普通mushroom先啦...... 嘩, 個芝士"sauce" (抱歉, 因為share, 好細塊, 食唔到exactly係咩), mushroom同塊扒, 完全係天作之合! 如果是但少一個component, 都仲係好包, 但係夾埋之後, 對於我呢個食肉獸+白汁同cheese既fans, 就好似去左天堂咁。個人認為, 個sauce係最重要, 唔太搶去咸左少少既扒之餘, 又帶出mushroom既香, 當然, 半溶cheese既質感, 愛cheese既朋友, 你可以錯過嗎?
不過, 問左waitress, HK branch冇strawberry milkshake...... 我細個最鍾意佢, 今次返來, 冇左, 唔知第日會唔會出返, 俾返我童年既回憶?
Post