愛 . 添 (Closed)

中秋節之夜，11點幾到，足足等左一個鐘先入到座。由於入面坐位實在太少，加上節日關係，通常都一大班人食，我地一行都5人，所以變相等位都耐左。坐到去，店員都好細心，立即比杯水我地，仲話比我地降下溫，真係貼心。而係等位期間，已幫我地落定order ，一入到去已經入單。重點推介：各式窩夫，服務貼心綠茶紅豆窩夫，入面係麻糬，配雪糕。依間窩夫係暖，唔係凍，一暖一凍，真係絕配。相比好多甜品鋪既窩夫都係凍，依間好好多。法式焦糖燉蛋本人覺得一般，蛋係凍，也食唔到蛋香味，焦糖唔似即場燒，似一早燒定。