板長壽司 (Closed)

板長今日臨返工前去左板長食lunch，諗住佢呢個時段冇咩人食，上食物的速度應該會快好多，所以諗都唔諗就入左去。入到去即刻用電子餐牌點個lunch set先，其實我幾鐘意佢個電子餐牌，好方便，價錢又清楚！今次叫左魚子三文魚腩醬油漬飯。等呀等，足足等左三個字先有得食，明明冇咩客都要整咁耐...燒三文魚腩都幾香幾嫩滑，好多魚油，魚油撈飯都已經唔錯，三文魚子唔腥，咬落脆卜卜，但如果要同出面專門食魚生飯的餐廳比，就冇人地咁新鮮，三文魚腩可以再新鮮啲。其實三文魚飯好難會整得難食，呢個價錢食呢個質素都合理，不能要求太高。