新麻蒲 BBQ (新都會廣場) (Closed)

今日下晝兩點幾一個人係新都會搵嘢食，見到新開嘅新麻蒲，見無乜人，就入咗去，叫咗個午市套餐烤豬肉同酸梅氣水。好快個酸梅氣水就送咗離，酸酸味味都幾好飲。隔咗一陣就送咗三碟前菜離，有醃咗既酸蘿蔔，雖然切得好薄，不過好爽好好味。跟住又係酸味味既海帶，仲有我自己麻麻地鐘意食既辣醬芽菜，雖然係午餐，但份量一d都唔細。最後等咗好耐既烤豬肉終於有得食，熱辣辣，有少少辣湯浸住d豬肉，唔乾又唔會好靱，仲有金菇，洋蔥，大蔥，辣椒做配菜，少少辣辣地好開胃，送飯一流，成個白飯食晒。不過個午餐雖然幾好食，但係個烤豬肉等咗好耐先離，其實個陣無乜人，都唔知點解要禁耐，等到我火大，下次再離食，真係要諗諗先。